രക്ഷാബന്ധനോടനുബന്ധിച്ച് കിടിലൻ ഓഫറുമായി ബിഎസ്എന്‍എല്‍ രംഗത്ത്. പ്രീപെയ്ഡ് ഉപഭോക്താക്കൾക്കായി രാഖി പെ സൗഗാത്ത് എന്ന പേരിലാണ് പുതിയ ഓഫര്‍ പ്രഖ്യാപിച്ചിരിക്കുന്നത്.

74 രൂപയുടെ ഈ കോംബോ ഓഫ‍ർ ചെയ്താൽ ബിഎസ്എന്‍എല്‍ നമ്പറുകളിലേക്ക് അണ്‍ലിമിറ്റഡ് വോയ്‌സ് കോളും 1 ജിബി ഡാറ്റയും ലഭിക്കും. കൂടാതെ മറ്റു നെറ്റ് വര്‍ക്കുകളിലേക്ക് 74 രൂപയുടെ ടോക്ക് ടൈമും ഉണ്ടാകും. 12 ദിവസമാണ് ഓഫറിന്റെ കാലാവധി. ഇന്നലെ മുതല്‍ ഓഫര്‍ ലഭ്യമാണ്.

ബിഎസ്എന്‍എല്‍ 2ജി, 3ജി ഉപഭോക്താക്കള്‍ക്കായി പുതിയ ഓഫറുകറുകളും കൊണ്ടുവന്നിട്ടുണ്ട്. ജിയോയുമായുള്ള മത്സരമാണ് ഈ ഓഫറുകൾക്ക് പിന്നിൽ. നിലവിലുള്ള വരിക്കാരെ പിടിച്ചു നിര്‍ത്തുകയും പുതിയ ഉപഭോക്താക്കളെ ആകര്‍ഷിക്കുകയുമാണ് ബിഎസ്എൻഎൽ അടക്കമുള്ള എല്ലാ ടെലികോം കമ്പനികളുടെയും ലക്ഷ്യം. ബിഎസ്എൻഎൽ വരിക്കാരുടെ എണ്ണം ഒക്ടോബറോടെ ഒരു കോടി കടക്കുമെന്നാണ് വിവരം.

ഇതിനായി കഴിഞ്ഞ രണ്ടുവര്‍ഷത്തിനിടെ വിഛേദിച്ച ബി.എസ്.എന്‍.എല്‍ ലാൻഡ് ലൈൻ കണക്ഷനുകള്‍ പുനഃസ്ഥാപിക്കുന്നതിനായി റീകണക്ഷന്‍ മേളകളും നടന്നു വരികയാണ്. കസ്റ്റമര്‍ സര്‍വീസ് കേന്ദ്രങ്ങൾ, എക്‌സ്‌ചേഞ്ചുകൾ എന്നിവ കേന്ദ്രീകരിച്ചാണ് മേള സംഘടിപ്പിച്ചിരിക്കുന്നത്.

malayalam.goodreturns.in