സ്വർണവിലയിൽ വീണ്ടും നേരിയ വർദ്ധനവ്. പവന് 80 രൂപയാണ് ഇന്ന് കൂടിയിരിക്കുന്നത്. 21,280 രൂപയാണ് ഇന്നത്തെ വിപണി വില. ഗ്രാമിന് 10 രൂപ കൂടി 2660 രൂപയ്ക്കാണ് വ്യാപാരം പുരോഗമിക്കുന്നത്.

ഇന്നലെ പവന് 160 രൂപ കുറഞ്ഞിരുന്നു. എന്നാൽ ഇന്ന് വീണ്ടും 80 രൂപ കൂടി. 21,200 രൂപയായിരുന്നു ഇന്നലെ ഒരു പവൻ സ്വർണത്തിന്റെ വില. ഈ മാസം ആരംഭിച്ചതു മുതൽ സ്വ‍ർണവിലയിൽ തുടരെ തുടരെ ഏറ്റക്കുറച്ചിലുകളാണ് കാണുന്നത്.

രാജ്യത്ത് ജിഎസ്ടി നടപ്പിലാക്കിയതോടെ വിദേശത്ത് സ്വർണ വിൽപ്പനയിൽ വർദ്ധനവുണ്ടായിട്ടുണ്ടെന്ന് അടുത്തിടെ റിപ്പോർട്ടുകൾ പുറത്തു വന്നിരുന്നു. എന്നാൽ ഇന്ത്യയിൽ സ്വർണത്തിന്റ ഇറക്കുമതി തീരുവ കുറയ്ക്കാനാണ് കേന്ദ്ര സർക്കാരിന്റെ നീക്കം.

ഇറക്കുമതി തീരുവയിൽ കുറവ് വരുത്തിയാൽ പ്രാദേശിക വിപണയിൽ വരെ സ്വർണത്തിന്റ വില കുത്തനെ താഴും. എന്നാൽ അന്താരാഷ്ട്ര വിപണിയിലുണ്ടായ വില വർദ്ധനവാണ് ഇന്ന് ആഭ്യന്തര വിപണിയിലും വില ഉയരാൻ കാരണമെന്ന് വിദഗ്ധർ പറയുന്നു.

malayalam.goodreturns.in