ക്ഷാമബത്ത

സഹകരണ പെന്‍ഷന്‍കാര്‍ക്ക് അനുവദിച്ചിരുന്ന 5 ശതമാനം ക്ഷാമബത്ത 7 ശതമാനമാക്കി വര്‍ദ്ധിപ്പിച്ചതായും മന്ത്രി കടകംപള്ളി സുരേന്ദ്രന്‍
വാര്‍ത്താ സമ്മേളനത്തില്‍ അറിയിച്ചു.

കുടുംബ പെൻഷൻ

പ്രാഥമിക സഹകരണ സംഘങ്ങളിലെയും ജില്ലാ, സംസ്ഥാന സഹകരണ ബാങ്കുകളിലെയും ജീവനക്കാരുടെ കുടുംബ പെന്‍ഷന്‍ 2000 രൂപയാക്കി ഉയര്‍ത്തി. നിലവില്‍ പ്രാഥമിക സംഘങ്ങള്‍ക്ക് 1000 ഉം ജില്ലാ-സംസ്ഥാന ബാങ്കുകളില്‍ 1500 ഉം ആയിരുന്നു.

പെൻഷന‍ർ മരിച്ചാൽ

പെന്‍ഷണര്‍ മരണപ്പെട്ട് 7 വര്‍ഷം കഴിയും വരെയോ അല്ലെങ്കില്‍ ആശ്രിതര്‍ക്ക് 65 വയസ് തികയും വരെയോ (ആദ്യം എത്തുന്നത് അനുസരിച്ച്) മുഴുവന്‍ പെന്‍ഷനും നല്‍കാനും തീരുമാനിച്ചിട്ടുണ്ട്. തുടര്‍ന്നുള്ള വര്‍ഷങ്ങളില്‍ പെൻഷൻ തുക 50 ശതമാനമാവും നൽകുക.

സേവന കാലാവധി

പെന്‍ഷന്‍ നിര്‍ണയത്തിനുള്ള സേവന കാലാവധി നിശ്ചയിക്കുമ്പോള്‍ പ്രൊബേഷന്‍ കാലാവധി കൂടി കണക്കിലെടുക്കും. കൂടാതെ കൃത്യമായി പെന്‍ഷന്‍ വിഹിതം അടയ്ക്കാതിരുന്ന ജീവനക്കാര്‍ക്ക് നല്‍കി വന്നിരുന്ന സമാശ്വാസ പെന്‍ഷന്‍ 1000 രൂപയിൽ നിന്ന് 1250 രൂപയാക്കി ഉയർത്തിയിട്ടുണ്ട്.

അദാലത്ത്

പെൻഷനുമായി ബന്ധപ്പെട്ട പരാതികൾ പരിഹരിക്കാൻ ഈ മാസമവസാനം തിരുവനന്തപുരത്തും തൃശൂരിലും അദാലത്തുകൾ സംഘടിപ്പിക്കും. ഇവിടെ എത്തി ഇത് സംബന്ധിച്ച പരാതികൾ നൽകാവുന്നതാണ്.