ഫ്രീഡം ടു ഫ്ലൈ

ഫ്രീഡം ടു ഫ്ലൈ എന്ന് പേരിട്ടിരിക്കുന്ന ഈ ഓഫർ 48 മണിക്കൂറിനുള്ളിൽ ബുക്ക് ചെയ്യാവുന്നതാണ്. എല്ലാ നിരക്കുകളും ഉൾപ്പെടെ 799 രൂപയാണ് ഇക്കണോമി ക്ലാസ്സ് ടിക്കറ്റുകൾക്ക്. പ്രീമിയം ഇക്കണോമി ക്ലാസ്സ് ടിക്കറ്റുകൾ 2,099 രൂപ മുതൽ ലഭ്യമാണ്.

ബുക്കിംഗ്

ഇന്നലെ അർദ്ധരാത്രി മുതലാണ് ബുക്കിംഗ് ആരംഭിച്ചത്. നാളെയാണ് ഈ ഓഫർ അവസാനിക്കുന്നത്. ആവശ്യക്കാർക്ക് എത്രയും വേഗം ടിക്കറ്റുകൾ ബുക്ക് ചെയ്യാവുന്നതാണ്.

യാത്രാ കാലാവധി

ഇപ്പോൾ ബുക്ക് ചെയ്യുന്ന ടിക്കറ്റുകളിൽ നിങ്ങൾക്ക് ആഗസ്റ്റ് 23 നും അടുത്ത വർഷം ഏപ്രിൽ 19 നും ഇടയിൽ യാത്ര ചെയ്യാവുന്നതാണ്. ഈ അവസരം മുതലാക്കി ചില അവധിക്കാല പ്ലാനുകൾ നിങ്ങൾക്ക് ഇപ്പോഴേ തയ്യാറാക്കാവുന്നതാണ്.

യാത്ര എങ്ങോട്ട്?

ഡൽഹി, കൊൽക്കത്ത, മുംബൈ, ഹൈദരാബാദ്, ബംഗളൂരു തുടങ്ങിയ മെട്രോ നഗരങ്ങളിലേക്കുള്ള ടിക്കറ്റുകളും ഈ ഓഫർ നിരക്കിൽ ലഭിക്കും. ശ്രീനഗർ-ജമ്മു റൂട്ടിലുള്ള ടിക്കറ്റുകൾക്കാണ് ഏറ്റവും നിരക്ക് കുറവ്.