ഇന്ന് മുതൽ

ഇന്ന് മുതൽ 12 വരെ 72 മണിക്കൂർ കച്ചവടത്തിൽ ഇരു കമ്പനികളും പ്രതീക്ഷിക്കുന്നത് ഏകദേശം 9,500 കോടി രൂപയാണ്. സ്വാതന്ത്ര ദിനത്തോടനുബന്ധിച്ചാണ് ഇരു കമ്പനികളും ഓഫറുകൾ പ്രഖ്യാപിച്ചിരിക്കുന്നത്. ​ഗ്രേറ്റ് ഇന്ത്യ സെയ്ൽ എന്നാണ് ആമസോൺ ഈ ഓഫ‍ർ മഹോത്സവത്തിന് പേരിട്ടിരിക്കുന്നത്. ഫ്ലിപ്കാർട്ടിന്റെ ഓഫ‍‍ർ ഉത്സവത്തിന്റെ പേര് ബി​ഗ് ഫ്രീഡം സെയ്ൽ എന്നുമാണ്.

ആദ്യ ദിനം

ആദ്യ ദിനം തന്നെ ചില ഉൽപന്നങ്ങൾക്ക് 70 ശതമാനം വരെയാണ് ഡിസ്കൗണ്ട് നൽകുന്നത്. കൂടാതെ ഡെബിറ്റ് കാർഡ് ക്യാഷ് ബാക്ക് ഓഫറും ലഭിക്കും. വരും ദിവസങ്ങളിൽ ഉപഭോക്താക്കൾക്ക് കൂടുതൽ ഓഫറുകൾ പ്രതീക്ഷിക്കാം.

ഫോണുകൾക്ക് വമ്പിച്ച വിലക്കുറവ്

ഇലക്ട്രോണിക്സ്, ടെലിവിഷനുകൾ, സ്മാർട്ട്ഫോണുകൾ, അനുബന്ധ ഉത്പന്നങ്ങൾ എന്നിവയ്ക്ക് വൻതോതിൽ ഡിസ്കൗണ്ടുകൾ ലഭ്യമാണ്. 50 ശതമാനം വരെയാണ് ഫോണുകൾക്ക് വിലക്കുറവ്. 32 ജിബിയുടെ ഐഫോണ്‍ 6ന് 8 ശതമാനം വിലക്കുറവില്‍ 26,899 രൂപയാണ് ആമസോണില്‍ വില. ചില ഉൽപന്നങ്ങൾക്ക് എക്സ്ചേഞ്ച് ഓഫറും നൽകുന്നുണ്ട്.

ഫാഷൻ ഉത്പന്നങ്ങൾ

ഫാഷൻ ഉത്പന്നങ്ങൾക്ക് ഫ്ലിപ്കാർട്ടിലാണ് കൂടുതൽ വിലക്കുറവ്. 70 ശതമാനം വരെയാണ് പല ഉത്പന്നങ്ങൾക്കും ഡിസ്കൗണ്ട് നൽകുന്നത്.

ക്യാഷ് ബാക്ക്

എച്ച്ഡിഎഫ്സി ബാങ്ക് ഡെബിറ്റ്, ക്രെഡിറ്റ് കാർഡുകളിലൂടെ ഫ്ലിപ്കാർട്ടിൽ നിന്ന് സാധനങ്ങൾ വാങ്ങുന്നവർക്ക് പത്ത് ശതമാനം ക്യാഷ് ബാക്ക് സൗകര്യം ലഭിക്കും. ആമസോൺ പേ, എസ്ബിഐ ഡെബിറ്റ്, ക്രെഡിറ്റ് കാർഡുകളിലൂടെ ആമസോണിൽ നിന്ന് സാധനങ്ങൾ വാങ്ങുന്നവർക്ക് 15 ശതമാനം ക്യാഷ്ബാക്ക് ലഭിക്കും.

ടിവികൾ, ലാപ്ടോപ്പുകൾ എന്നിവയും ഓഫ‍ർ വിലയിൽ

സാംസങ്, ബിപിഎൽ ടിവികൾക്ക് 35 ശതമാനമാണ് വിലക്കുറവ്. ആപ്പിൾ, ഡെൽ, ലെനോവോ, എച്ച്പി ലാപ്ടോപ്പുകൾക്ക് ആമസോണിൽ 20 ശതമാനം വില കുറയും. ഹെഡ്‌ഫോണുകള്‍, ഹാര്‍ഡ് ഡിസ്‌കുകള്‍, പെന്‍ഡ്രൈവുകള്‍, മെമ്മറി കാര്‍ഡ്, വാഷിങ് മെഷീന്‍ തുടങ്ങിയവയ്ക്കും മികച്ച ഡിസ്കൗണ്ടുകളുണ്ട്.