സ്വർണവിലയിൽ വീണ്ടും വർദ്ധനവ്. പവന് വീണ്ടും 80 രൂപ കൂടി. 21,360 രൂപയാണ് ഇന്നത്തെ വിപണി വില. 2760 രൂപയാണ് ഗ്രാമിന്റെ വില. 21280 രൂപയായിരുന്നു ഇന്നലെ ഒരു പവന്റെ വില. എന്നാൽ ഇന്ന് വീണ്ടും 80 രൂപ കൂടി.

കഴിഞ്ഞ കുറച്ച് ദിവസങ്ങളായി ദിനംപ്രതി പവന്‍ വിലയില്‍ 80 രൂപയാണ് കൂടിക്കൊണ്ടിരിക്കുന്നത്. ആ​ഗസ്റ്റ് ഏഴിന് 21200 രൂപയായിരുന്നു പവന്റെ വില. എട്ടിന് 21280 രൂപയായി. 21,440 രൂപയാണ് ആഗസ്റ്റിലെ ഏറ്റവും കൂടിയ നിരക്ക്. കുറഞ്ഞ നിരക്ക് 21,120 രൂപയും.

ആഗോള വിപണിയിലെ വിലവര്‍ധനയാണ് ആഭ്യന്തര വിപണിയിലും പ്രതിഫലിക്കുന്നത്. ഇന്ത്യയിൽ സ്വർണത്തിന്റ ഇറക്കുമതി തീരുവ കുറയ്ക്കാനാണ് കേന്ദ്ര സർക്കാരിന്റെ നീക്കം. ഇറക്കുമതി തീരുവയിൽ കുറവ് വരുത്തിയാൽ പ്രാദേശിക വിപണയിൽ വരെ സ്വർണത്തിന്റ വില കുത്തനെ താഴും.

ഇറക്കുമതി തീരുവ കുറച്ചാൽ സ്വർണ കള്ളക്കടത്തും ഒരു പരിധി വരെ തടയാൻ സാധിക്കും. ഇന്ത്യയിലെ നിയമപരമായ ഇറക്കുമതി സാധാരണയായി ഒരു വർഷം 800 ടൺ വരെയാണ്.

malayalam.goodreturns.in