ഓൺലൈൻ ബാങ്കിംഗ് തട്ടിപ്പ് തടയുന്നതിന് സൈബർ ഡോമും റിസർവ് ബാങ്ക് തിരുവനന്തപുരം റീജിയണൽ ഓഫീസും ചേർന്ന് പുതിയ വാട്സ് ആപ്പ് ഗ്രൂപ്പ് ആരംഭിച്ചു. ബാങ്കിംഗ് വിഭാഗങ്ങളെയും സൈബർ സെല്ലുകളെയും യോജിപ്പിച്ചാണ് സ്റ്റോപ് ബാങ്കിംഗ് ഫ്രോഡ് എന്ന ഗ്രൂപ്പ് ആരംഭിച്ചിരിക്കുന്നത്.

ഒടിപി വഴി തട്ടിപ്പിനിരയാകുന്ന വ്യക്തികൾ എത്രയം വേഗം സൈബർ സെല്ലുമായി ബന്ധപ്പെടണം. സൈബർ സെൽ ഉദ്യോഗസ്ഥർ ഈ വിവരം ഗ്രൂപ്പിൽ അറിയിക്കും. തുടർന്ന് ബാങ്ക്, വാലറ്റ് അധികൃതർ ഉടൻ തന്നെ ആ പണമിടപാട് മരവിപ്പിക്കും.

പിന്നീട് പരാതി വിശദമായി പരിശോധിച്ച ശേഷം അക്കൌണ്ട് ഉടമയ്ക്ക് പണം തിരികെ ലഭിക്കും. തട്ടിപ്പ് നടന്നയുടൻ സൈബർ സെല്ലുമായി ബന്ധപ്പെട്ടാൽ മാത്രമേ ഈ നടപടി സാധ്യമാകൂ.

ഓൺലൈൻ സാമ്പത്തിക തട്ടിപ്പുകളിൽ ഇരയാകുന്നവരുടെ എണ്ണത്തിൽ കേരളം മുന്നിലാണ്. വ്യാജ ഫോൺ കോളുകളിലൂടെയും ഒടിപി മെസേജുകളിലൂടെയും മറ്റുമാണ് തട്ടിപ്പുകളിലധികവും നടക്കുന്നത്.

malayalam.goodreturns.in