ജിയോയോട് മത്സരിച്ച് ഐഡിയയും ഓഫറുകളുമായി രം​ഗത്ത്. ബിഎസ്എൻഎൽ, വോഡഫോൺ, എയർടെൽ തുടങ്ങിയവയ്ക്ക് പിന്നാലെയാണ് ഐഡിയയുടെയും കിടിലൻ ഓഫ‍ർ.

453 രൂപയുടെ പ്ലാനുമായാണ് ഐഡിയ എത്തിയിരിക്കുന്നത്. ഈ പ്ലാനിലൂടെ 84 ദിവസത്തേക്ക് 84 ജിബി ഡേറ്റ ഉപയോഗിക്കാൻ കഴിയും. ദിവസം ഒരു ജിബിയാണ് നല്‍കുക. കൂടാതെ 84 ദിവസവും അൺലിമിറ്റഡ് കോളും (ലോക്കൽ, എസ്ടിഡി) ലഭിക്കും.

എന്നാൽ ഈ ഓഫർ എല്ലാ ഉപഭോക്താക്കൾക്കും ലഭിക്കില്ല. തിരഞ്ഞെടുത്ത കുറച്ച് പേ‍ർക്ക് മാത്രമാണ് ഓഫ‍ർ ലഭിക്കുക. വരിക്കാർ നഷ്ടപ്പെടുമെന്ന് മുൻകൂട്ടി കണ്ടാണ് മിക്ക കമ്പനികളും ഓഫറുകൾ നൽകുന്നത്. ജിയോയുടെ വരമോടെ മറ്റ് ടെലികോം കമ്പനികൾ കടുത്ത സമ്മ‍ർദ്ദമാണ് നേരിടുന്നത്.

അതേസമയം, ജിയോയുടെ 84 ദിവസ പ്ലാനിന് 399 രൂപ മാത്രമാണുള്ളത്. വോഡഫോണിന്റെ 352 രൂപയുടെ സ്റ്റുഡന്റ് പ്ലാനിൽ 84 ദിവസത്തേക്ക് 84 ജിബി ഡേറ്റ നൽകുന്നുണ്ട്.

malayalam.goodreturns.in