ഇനി എക്‌സിക്യൂട്ടീവ് വൈസ് ചെയര്‍മാന്‍

വിശാല്‍ സിക്ക ഇനി കമ്പനിയുടെ എക്‌സിക്യൂട്ടീവ് വൈസ് ചെയര്‍മാന്‍ ചുമതല വഹിക്കുമെന്നും മണികന്ദ വ്യക്തമാക്കി. പുതിയ എംഡിയെ നിയമിക്കുന്നതിനുള്ള നടപടികള്‍ നടക്കുന്നുണ്ടെന്നും അദ്ദേഹം പറഞ്ഞു.

ഓഹരി വിലയില്‍ ഇടിവ് പിന്നാലെ രാജി

ഇന്‍ഫോസിസിന്റെ ഓഹരി വിലയില്‍ 8%ത്തോളം ഇടിവ് രേഖപ്പെടുത്തിയിരുന്നു. ഇതിന് പിന്നാലെയാണ് വിശാൽ സിക്കയുടെ രാജി. വിശാല്‍ സിക്കയുടെ പ്രവര്‍ത്തന രീതികളില്‍ മുന്‍ ചെയര്‍മാന്‍ നാരായണമൂര്‍ത്തിക്കടക്കം അസംതൃപ്തി ഉണ്ടായിരുന്നു.

ആരോപണങ്ങളില്‍ മനം മടുത്ത്

ആരോപണങ്ങളില്‍ മനം മടുത്താണ് രാജിയെന്ന് വിശാൽ സിക്കയുടെ രാജിക്കത്തില്‍ പറയുന്നു. വ്യക്​തിപരമായ ആക്രമണങ്ങളാണ്​ രാജിക്കിടയാക്കിയതെന്നും അദ്ദേഹം പറഞ്ഞു. ഇന്‍ഫോസിസിന്റെ സ്ഥാപകാംഗമല്ലാത്ത ആദ്യ സി.ഇ.ഒ. ആണ് വിശാല്‍ സിക്ക. 2014 ലാണ്​ സിക്ക സി.ഇ.ഒ സ്​ഥാനത്തെത്തിയത്​.

ഇൻഫോസിസിലുള്ള വിശ്വാസം

ഇൻഫോസിസിലുള്ള വിശ്വാസം നഷ്​ടമായിട്ടില്ലെന്നും എന്നാൽ കഴിഞ്ഞ കുറച്ചു മാസങ്ങളായി വ്യക്​തിപരമായ ചില ആക്രമണങ്ങളാൽ കമ്പനിയെ മുന്നോട്ട് നയിക്കാനാകുന്നില്ലെന്നും അദ്ദേഹം പറഞ്ഞു.

രാജിയിൽ ​ഖേദം

സിക്കയുടെ രാജിയിൽ ഇൻഫോസിസ്​ ബോർഡ് ​ഖേദം പ്രകടിപ്പിച്ചു​. അദ്ദേഹത്തി​​ന്റെ ഈ തീരുമാനത്തെ മാനിക്കുന്നു​വെന്നും ബോർഡ് അറിയിച്ചു. സിക്കയുടെ രാജിക്കാര്യം ഇന്നു രാവിലെയാണ് കമ്പനി പുറത്തുവിട്ടത്.

ഓഹരികളില്‍ ഇടിവ്

സിക്കയുടെ രാജി ഭരണസമിതി അംഗീകരിച്ചതോടെ ഇന്‍ഫോസിസിന്റെ ഓഹരികളില്‍ ആറ് ശതമാനം വിലയിടിവുണ്ടായിരിക്കുകയാണ്. ഇന്ന് രാവിലെ 9.30 വരെ നടന്ന വ്യാപാരത്തില്‍ ഓഹരിയുടെ വില 1021.50 രൂപയില്‍ നിന്നും 959.20 രൂപയായാണ് കുറഞ്ഞത്.