ഓണത്തിന് ദിവസങ്ങള്‍ മാത്രം ശേഷിക്കെ വിപണിയില്‍ വിലക്കയറ്റം രൂക്ഷമാകുന്നു. നിത്യോപയോഗ സാധനങ്ങള്‍ക്ക് പലതിനും വില ഇരട്ടിയോളമായി. അരി വിലയും റോക്കറ്റിലേറി തുടങ്ങി.

ജയ അരിക്ക് 45 രൂപ, മട്ടയ്ക്ക് 50 എന്നിങ്ങനെയാണ് വില. ഓണം അടുക്കുന്തോറും വില ഇനിയും കൂടാനാണ് സാധ്യത. കഴിഞ്ഞ ഓണത്തിനു കിലോക്ക് 28 രൂപയായിരുന്ന അരിക്കാണ് ഇക്കുറി അമ്പത് രൂപയായി ഉയര്‍ന്നിരിക്കുന്നത്.

എന്നാൽ ഓണക്കാലത്ത് വിലക്കയറ്റം തടയാന്‍ എല്ലാ പഞ്ചായത്തിലും സപ്ലൈകോയുടെ ഓണച്ചന്തകള്‍ പ്രവര്‍ത്തിക്കുമെന്ന് റവന്യൂ വകുപ്പു മന്ത്രി ഇ. ചന്ദ്രശേഖരന്‍ പറഞ്ഞിട്ടുണ്ട്. വെളിച്ചെണ്ണയ്ക്ക് ഒരു മാസത്തിനിടെ ലിറ്ററിന് 15 രൂപയോളമാണ് വർദ്ധിച്ചത്. ഇപ്പോൾ ഒരു കിലോ വെളിച്ചെണ്ണയ്ക്ക് 164 രൂപയാണ് വില.

സവാള, ചെറിയ ഉള്ളി എന്നിവയുടെ വിലയും വർധിച്ചിട്ടുണ്ട്. 94 രൂപയാണ് ചെറിയഉള്ളിയുടെ വില. 17 രൂപയായിരുന്ന സവാള വില 35 രൂപയായിട്ടുണ്ട്. പച്ചക്കറികൾക്കും പൊള്ളുന്ന വിലയാണ്.

malayalam.goodreturns.in