രാജ്യത്തെ പൊതുമേഖലാ ബാങ്കുകളെ ഏകോപിപ്പിക്കാനൊരുങ്ങി കേന്ദ്ര സര്ക്കാര് നീക്കം. ഇതിനായുള്ള നടപടികള് മുന്നോട്ടു കൊണ്ടുപോകുന്നതിന് കേന്ദ്ര മന്ത്രിസഭ അംഗീകാരം നല്കിയതായി റിപ്പോര്ട്ടുകള് വ്യക്തമാക്കുന്നു.
അഞ്ചോ ആറോ വലിയ ബാങ്കുകളായി പൊതുമേഖലാ ബാങ്കുകളുടെ എണ്ണം കുറയ്ക്കുകയാണ് കേന്ദ്രസർക്കാരിന്റെ ലക്ഷ്യം. ഇതോടെ ഇന്ത്യയുടെ ബാങ്കിംങ് രംഗം കൂടുതല് ശക്തമാകും എന്നാണ് കേന്ദ്ര സര്ക്കാരിന്റെ വിലയിരുത്തല്.
സ്റ്റേറ്റ് ബാങ്ക് ഓഫ് ഇന്ത്യയില് അഞ്ച് അനുബന്ധ ബാങ്കുകളെയും മഹിളാ ബാങ്കിനെയും ലയിപ്പിച്ചു കൊണ്ടാണ് സര്ക്കാര് ബാങ്കിംഗ് മേഖലയിലെ ഏകീകരണങ്ങള്ക്ക് തുടക്കമിട്ടത്. എന്നാൽ വീണ്ടും ലയന നടപടികൾ വ്യാപിപ്പിക്കാനാണ് സർക്കാരിന്റെ നീക്കം.
ബാങ്കിംങ് മേഖലയെ ഏകോപിപ്പിക്കുന്നതിന്റെ ഭാഗമായി പുതിയ ചില ലയന പദ്ധതികള് നടപ്പാക്കാന് പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള സര്ക്കാര് ഒരുങ്ങുന്നുന്നതായി കഴിഞ്ഞ കുറച്ച് മാസങ്ങളായി അഭ്യൂഹങ്ങളുണ്ടായിരുന്നു. ഇത് ശരിവെക്കുന്ന ചില സൂചനങ്ങള് കേന്ദ്ര ധനമന്ത്രി അരുണ് ജയ്റ്റ്ലിയും നല്കിയിട്ടുണ്ട്.
malayalam.goodreturns.in