ടിക്കറ്റ് നിരക്കുകൾ കുത്തനെ കുറച്ചുള്ള കിടിലന്‍ ഓഫറുമായി എയര്‍ ഏഷ്യ രം​ഗത്ത്. രാജ്യത്ത് എവിടെയും വെറും 999 രൂപയ്ക്ക് യാത്രചെയ്യാമെന്നാണ് എയര്‍ഏഷ്യയുടെ വാഗ്ദാനം.

7 ഡെയ്‌സ് ഓഫ് മാഡ് എന്ന് പേരിട്ടിരിക്കുന്ന ഓഫര്‍ അനുസരിച്ച് ഓഗസ്റ്റ് 21 മുതല്‍ 27 വരെയാണ് ടിക്കറ്റുകള്‍ ബുക്ക് ചെയ്യാൻ അവസരം. 2018 ഫെബ്രുവരി 26നും 2018 ഓഗസ്റ്റ് 26നും ഇടയ്ക്ക് യാത്ര ചെയ്യുന്നതിനുള്ള ടിക്കറ്റുകളാണ് ഇത്തരത്തില്‍ ബുക്ക് ചെയ്യാന്‍ കഴിയുന്നത്.

എയര്‍ ഏഷ്യയുടെ വെബ്‌സൈറ്റ് വഴി നേരിട്ടോ അല്ലെങ്കില്‍ മൊബൈല്‍ ആപ്ലിക്കേഷന്‍ വഴിയോ നടത്തുന്ന ബുക്കിം​ഗുകൾക്ക് മാത്രമേ ഓഫര്‍ ബാധകമാകൂ. കമ്പനിയുടെ ഔദ്ദ്യോഗിക വെബ്‌സൈറ്റ് വ്യക്തമാക്കുന്നുണ്ട്.

കൂടുതൽ സീറ്റുകൾ വളരെ പരിമിതമാണെന്നും കമ്പനി വ്യക്തമാക്കി. എല്ലാ ഫ്ലൈറ്റുകളിലും ഓഫ‍ർ ലഭിക്കുകയുമില്ല. ഭുവനേശ്വർ-കൊൽക്കത്ത, ഗോവ-ബംഗളുരു, ഗുവാഹത്തി-ഇംഫാൽ, ഹൈദരാബാദ്-ബംഗളുരു, കൊച്ചി-ബംഗളുരു എന്നിവിടങ്ങളിലേയ്ക്കുള്ള ടിക്കറ്റുകൾ 1,099 രൂപ നിരക്കിലും ലഭിക്കും.

malayalam.goodreturns.in