ആധാറും പാനും (പെർമനന്റ് അക്കൗണ്ട് നമ്പർ) ബന്ധിപ്പിക്കേണ്ട അവസാന തീയതി ഇന്നാണ്. ഇന്ന് നിങ്ങൾ ഇവ ബന്ധിപ്പിച്ചില്ലെങ്കിൽ പല പ്രശ്നങ്ങളും നേരിടേണ്ടി വരും. എന്തൊക്കെയാണ് അവയെന്ന് നോക്കാം.
നിങ്ങളുടെ ഇൻകം ടാക്സ് റിട്ടേൺ പ്രോസസ് ചെയ്യപ്പെടില്ല
ആധാറും പാനും തമ്മിൽ ബന്ധിപ്പിച്ചില്ലെങ്കിൽ നിങ്ങളുടെ ആദായനികുതി റിട്ടേൺ പ്രോസസിംഗിന് എടുക്കില്ല. അതായത് നിങ്ങൾ റിട്ടേൺ സമർപ്പിച്ചതായി കണക്കാക്കില്ല എന്നർത്ഥം. ഓഗസ്റ്റ് അഞ്ച് എന്ന സമയപരിധിക്കകം സമർപ്പിച്ചാലും ഫയൽ ചെയ്ത റിട്ടേൺ അസാധുവായിത്തീരും. റിട്ടേൺ സമർപ്പിക്കാത്തതിനുള്ള എല്ലാ പ്രത്യാഘാതങ്ങളും നേരിടേണ്ടിയും വരും.
പിഴ ഈടാക്കും
സെക്ഷൻ 142 (1) പ്രകാരം നിങ്ങളുടെ ഐടിആർ ഫയൽ ചെയ്യാൻ ആദായനികുതി വകുപ്പ് നോട്ടീസ് അയച്ചേക്കാം. കൂടാതെ ഐടിആർ ഫയൽ ചെയ്യാത്തതിന് 5,000 രൂപ പിഴയും ഈടാക്കും.
നഷ്ടം ക്ലെയിം ചെയ്യാൻ സാധിക്കില്ല
ആധാറും പാനും തമ്മിൽ ബന്ധിപ്പിച്ചില്ലെങ്കിൽ നിങ്ങളുടെ മൂലധന നഷ്ടം, ബിസിനസ്സ് നഷ്ടം എന്നിവ പോലുള്ള നഷ്ടങ്ങൾ നിങ്ങൾക്ക് അവകാശപ്പെടാൻ സാധിക്കില്ല.
റീഫണ്ട് ലഭിക്കില്ല
നിങ്ങളുടെ റീഫണ്ടിന്റെ പ്രോസസ്സിനെയും ഇത് ബാധിച്ചേക്കാം. ITR പ്രോസസ് ചെയ്യപ്പെടുകയില്ലെങ്കിൽ നിങ്ങൾക്ക് റീഫണ്ടും ലഭിക്കില്ല.
malayalam.goodreturns.in