മൈ​​​ക്രോ​സോ​ഫ്​​റ്റ്​ സ്​​ഥാ​പ​ക​ൻ ബി​ൽ​ഗേ​റ്റ്​​സി​നെ പി​ന്ത​ള്ളി വ​സ്​​ത്ര​വ്യാ​പാ​ര ​​ശൃം​ഖ​ല​യായ സാറയുടെ സ്​​ഥാ​പ​ക​നും ശ​ത​കോ​ടീ​ശ്വ​ര​നു​മാ​യ അ​മ​ൻ​ഷ്യോ ഒ​ർ​ട്ടേ​ഗ ലോ​ക​ത്തി​ലെ ഏ​റ്റ​വും വ​ലി​യ സ​മ്പ​ന്നനായി. 7800 കോ​ടി ഡോ​ള​റാ​ണ്​ ഒ​ർട്ടേ​ഗ​യു​ടെ ആ​സ്​​തി. ബി​ൽ​ഗേ​റ്റ്​​സി​​ന്റേ​ത്​ 7740 കോ​ടി ഡോ​ളറും.

ഇത് നാലാം തവണയാണ് ഒ‍ർട്ടേ​ഗ ഒന്നാം സ്ഥാനത്തെത്തുന്നത്. ഒന്നുമില്ലായ്മയിൽ നിന്ന് ബിസിനസ് രം​ഗത്ത് വെന്നിക്കൊടി പാറിച്ചയാളാണ് ഒ‍ർട്ടേ​ഗ. മു​ൻ ഭാ​ര്യ റൊ​സൈ​ല​ക്കൊ​പ്പം വീ​ടി​​ന്റെ ഒ​റ്റ​മു​റി​യി​ലി​രു​ന്നാ​ണ്​ സാ​റ​യെ​ന്ന ബി​സി​ന​സ്​ സ്ഥാപനം അദ്ദേഹം തുടങ്ങിയത്.

കുട്ടിക്കാലത്ത് തുണികളും മറ്റും തയ്ച്ചാണ് അദ്ദേഹം ഉപജീവന മാർഗം കണ്ടെത്തിയിരുന്നത്. 80കാരനായ ഇദ്ദേഹം വളരെ അപൂ‍ർവ്വമായി മാത്രമേ മാധ്യമങ്ങൾക്ക് അഭിമുഖങ്ങൾ നൽകിയിരുന്നുള്ളൂ.

ബിൽ​ഗേറ്റ്സിനെ പിന്തള്ളി ജൂലൈ 27ന് ആമസോൺ ഉടമ ജെഫ് ബെസോസ് ലോകത്തിലെ അതിസമ്പന്നൻ എന്ന പദവി സ്വന്തമാക്കിയിരുന്നു. 2013 മുതൽ ബിൽ ഗേറ്റ്സായിരുന്നു ഒന്നാം സ്ഥാനത്ത്. മാധ്യമസ്ഥാപനമായ വാഷിങ്ടണ്‍ പോസ്റ്റിന്റെയും റോക്കറ്റ് കമ്പനിയായ ബ്ലൂ ഒറിജിന്റെയും ഉടമസ്ഥന്‍ കൂടിയാണ് ജെഫ്.

malayalam.goodreturns.in