സ്വർണവില വീണ്ടും കുതിച്ചുയരുന്നു. പവന് 200 രൂപ കൂടി 22,200 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഓണമടുത്തതോടെയാണ് സ്വർണ വിപണി ഉണർന്നത്.
കഴിഞ്ഞ ഒരാഴ്ച്ചയായി സ്വർണവില മാറ്റമില്ലാതെ തുടരുകയായിരുന്നു. പെട്ടെന്നാണ് വില കുത്തനെ ഉയർന്നത്. ഇന്നലെ പവന് 80 രൂപ കൂടി 22000 രൂപയിൽ എത്തിയിരുന്നു. ഈ മാസത്തെ ഏറ്റവും കൂടിയ നിരക്ക് 22,120 രൂപയാണ്. ഏറ്റവും കുറഞ്ഞ നിരക്ക് 21,120 രൂപയും.
സർക്കാരിന്റെ പുതിയ വിജ്ഞാപനമനുസരിച്ച് രണ്ട് പവനിൽ കൂടുതൽ സ്വർണം വാങ്ങുന്നവർ തിരിച്ചറിയൽ രേഖയും ഹാജരാക്കണം. നിലവിൽ രണ്ട് ലക്ഷം രൂപയിൽ കൂടുതൽ തുകയ്ക്ക് സ്വർണം വാങ്ങിയാൽ പാൻ കാർഡ് നിർബന്ധമാണ്.
പുതിയ ചട്ടപ്രകാരം സംസ്ഥാനത്ത് സ്വര്ണം വാങ്ങാന് എത്തുന്നവരില് നിന്നും വ്യാപാരികള് തിരിച്ചറിയല് രേഖ വാങ്ങി തുടങ്ങിയിട്ടുണ്ട്. അതുകൊണ്ട് ഇനി സ്വർണം വാങ്ങാൻ ജൂവലറികളിൽ പോകുന്നവർ തിരിച്ചറിയൽ രേഖയെടുക്കാൻ മറക്കേണ്ട.
malayalam.goodreturns.in