ദീപാവലിക്ക് മുന്നോടിയായി ഓൺലൈൻ ഷോപ്പിംഗ് സൈറ്റായ സ്നാപ്ഡീലിൽ കിടിലൻ ഓഫറുകൾ. ഇന്നലെ ആരംഭിച്ച വിൽപ്പന ഇന്ന് അവസാനിക്കും. ഇലക്ട്രോണിക്ക് സാധനങ്ങൾ, വസ്ത്രങ്ങൾ എന്നിവയ്ക്കാണ് വമ്പിച്ച വിലക്കുറവ്.

എച്ച്ഡിഎഫ്സി, എച്ച്എസ്ബിസി എന്നീ ബാങ്കുകളുമായി സഹകരിച്ച് പ്രത്യേക ഓഫറുകറുകളും നൽകുന്നുണ്ട്. ഈ ബാങ്കുകളുടെ ക്രെഡിറ്റ്, ഡെബിറ്റ് കാർഡ് ഉപയോഗിക്കുന്നവർക്ക് കൂടുതൽ ഇളവുകൾ ലഭിക്കും. കൂടാതെ ചില ഗിഫ്റ്റ് വൗച്ചറുകളും ഉപഭോക്താക്കൾക്ക് ലഭിക്കും.

മൊബൈൽ ഫോണുകൾക്ക് മികച്ച ഓഫറാണ് സ്നാപ്ഡീൽ നൽകുന്നത്. ആപ്പിൾ പോലുള്ള വില കൂടിയ ഫോണുകൾക്ക് ക്യാഷ്ബാക്ക് ഓഫറും ലഭ്യമാണ്. ദീപാവലി മുന്നിൽ കണ്ടാണ് സ്നാപ്ഡീലിന്റെ ഈ ഓഫ‍ർ. കഴിഞ്ഞ ദീപാവലിക്കും സ്നാപ്ഡീൽ മികച്ച മുന്നേറ്റം കാഴ്ച്ച വച്ചിരുന്നു.

ആമസോൺ, ഫ്ളിപ്കാർട്ട് തുടങ്ങിയ ഇ-കൊമേഴ്സ് സ്ഥാപനങ്ങളും ദീപാവലിയോടനുബന്ധിച്ച് വിൽപ്പനയ്ക്കെത്തുമെന്ന് പ്രഖ്യാപിച്ചിട്ടുണ്ട്. ആമസോൺ ഹരിയാനയിൽ ഒരു പുതിയ കേന്ദ്രം കൂടി തുടങ്ങിയതായി കഴിഞ്ഞ ദിവസം ഉപഭോക്താക്കളെ അറിയിച്ചിരുന്നു.

malayalam.goodreturns.in