റിലയൻസ് ജിയോയോടുള്ള കടുത്ത മത്സരത്തിന്റെ ഭാ​ഗമായി ഭാരതി എയർടെൽ പുതിയ പ്ലാനുകൾ പുറത്തിറക്കി. പ്രീപെയ്ഡ് ഉപഭോക്താക്കൾക്കാണ് ഓഫ‍ർ ബാധകം.

വോയ്സ് കോളുകളും ഡാറ്റാ ഓഫറുകളും വെറും അഞ്ച് രൂപയ്ക്ക് വരെ ഇനി ലഭ്യമാകും. 8 രൂപ, 15 രൂപ, 40 രൂപ, 349 രൂപ, 399 രൂപ എന്നിവയുടെ ഓഫറുകളും ലഭ്യമാണ്. എയർടെല്ലിന്റെ കസ്റ്റമ‍ർ കെയറുമായി ബന്ധപ്പെട്ടാൽ നിങ്ങളുടെ മൊബൈലിൽ ഏതൊക്കെ ഓഫറുകൾ ലഭിക്കും എന്നറിയാം.

അഞ്ച് രൂപയ്ക്ക് 4ജിബി ഡാറ്റയാണ് നിങ്ങൾക്ക് ലഭിക്കുക. ഇതിന് ഏഴ് ദിവസത്തെ കാലാവധിയുമുണ്ട്. എട്ട് രൂപയുടെ എയർടെൽ പ്ലാൻ അനുസരിച്ച് ലോക്കൽ എസ്ടിഡി കോളുകൾ വെറും 30 പൈസയ്ക്ക് ലഭിക്കും. 56 ദിവസമാണ് ഇതിന്റെ കാലാവധി.

40 രൂപയുടെ പ്ലാനാണ് തെരഞ്ഞെടുക്കുന്നതെങ്കിൽ 35 രൂപയുടെ ടോക്ക് ടൈമും അൺലിമിറ്റഡ് വാലിഡിറ്റിയുമാണ് ലഭിക്കുക. 149 രൂപയ്ക്ക് എയ‍ർടെല്ലിൽ നിന്ന് എയർടെല്ലിലേയ്ക്ക് അൺലിമിറ്റഡ് കോൾ ഓഫറും ലഭിക്കും.

malayalam.goodreturns.in