സംസ്ഥാനത്ത് സ്വർണവിലയിൽ വീണ്ടും വർദ്ധനവ്. 200 രൂപയാണ് ഇന്ന് കൂടിയിരിക്കുന്നത്. പവന് 22720 രൂപയാണ് ഇന്നത്തെ വിപണി വില. ഗ്രാമിന് 2840 രൂപയും.

കഴിഞ്ഞ മൂന്ന് ദിവസമായി പവന് 22520 രൂപയായിരുന്നു വില. എന്നാൽ ഇന്ന് 22720 രൂപയായി ഉയർന്നു. ഈ മാസത്തെ മാത്രമല്ല ഈ വർഷത്തെ തന്നെ ഏറ്റവും ഉയർന്ന വിലയാണ് ഇന്നത്തേത്.

ഓണമടുത്തതോടെയാണ് സ്വർണ വിപണി ഉണർവ് കണ്ടു തുടങ്ങിയത്. എന്നാൽ ഓണം കഴിഞ്ഞിട്ടും വില മുന്നേറുകയാണ്. ഇറക്കുമതി ചുങ്കത്തിന് പുറമെ ഡോളറിനെതിരെയുള്ള രൂപയുടെ മൂല്യത്തിലെ ചാഞ്ചാട്ടവും ആഭ്യന്തര വിപണിയില്‍ സ്വര്‍ണവിലയെ സ്വാധീനിക്കുന്നുണ്ട്.

സർക്കാരിന്റെ പുതിയ വിജ്ഞാപനമനുസരിച്ച് രണ്ട് പവനിൽ കൂടുതൽ സ്വ‍ർണം വാങ്ങുന്നവർ തിരിച്ചറിയൽ രേഖ ഹാജരാക്കണം. നിലവിൽ രണ്ട് ലക്ഷം രൂപയിൽ കൂടുതൽ തുകയ്ക്ക് സ്വ‍ർണം വാങ്ങിയാൽ പാൻ കാ‍ർഡ് നി‍ർബന്ധമാണ്.

malayalam.goodreturns.in