വെളിച്ചെണ്ണ മുതൽ പെട്രോൾ വരെ...വില കേട്ടാൽ ഞെട്ടും; തൊട്ടാൽ പൊള്ളും

വെളിച്ചെണ്ണ

കേരളത്തിൽ ആദ്യമായാണ് വെളിച്ചെണ്ണ വില ഇത്രയും ഉയരത്തിലെത്തുന്നത്. ലിറ്ററിന് 225 രൂപയാണ് വെളിച്ചെണ്ണയുടെ വില. മറ്റ് രാജ്യങ്ങളിലേയ്ക്ക് തേങ്ങയുടെയും മറ്റ് നാളികേര ഉത്പന്നങ്ങളുടെയും കയറ്റുമതി കൂടിയത് വെളിച്ചെണ്ണയുടെ വില വർദ്ധനവിന് കാരണമായിട്ടുണ്ട്.

പാചകവാതകം

​ഗാർഹിക ആവശ്യങ്ങൾക്കുള്ള സിലിണ്ടറിന് നിലവിൽ 488 രൂപയാണ് വില. രണ്ട് മാസത്തിനിടെ 11 രൂപയാണ് പാചകവാതകത്തിന് കൂടിയിരിക്കുന്നത്. വരാനിരിക്കുന്ന മാസങ്ങളിലും വില കൂടും. കൂടാതെ പാചകവാതക സബ്സിഡി ഇല്ലാതാക്കാനാണ് കേന്ദ്രസർക്കാരിന്റെ നീക്കം.

പെട്രോൾ

പെട്രോൾ വില 73 കടന്നു. ആദ്യമായാണ് പെട്രോൾ വില ഇത്രയും ഉയരത്തിലെത്തുന്നത്. ദിവസം തോറും വിലയിൽ മാറ്റാൻ വരുത്താൻ തുടങ്ങിയതിന് ശേഷമാണ് വില ഉയർന്നു തുടങ്ങിയത്. എന്നാൽ ആ​ഗോള വിപണിയിൽ വില കുറയുകയാണെന്നതും ശ്രദ്ധേയമാണ്.

സ്വ‍ർണം

ഈ വർഷത്തെ ഏറ്റവും ഉയർന്ന നിരക്കാണ് സ്വ‍‍ർണത്തിന് നിലവിലുള്ളത്. പവന് 22,520 രൂപ. വിവാഹ സീസണും ആഘോഷങ്ങളുമടുത്തതോടെയാണ് സ്വ‍ർണവില കുതിച്ചുയർന്നത്. ആ​ഗോള വിപണിയിലും സ്വർണത്തിന് വില കൂടിയിട്ടുണ്ട്. ഇതും ആഭ്യന്തര വിപണിയെ ബാധിച്ചിച്ചുണ്ട്.