ടെലികോം രംഗത്തെ പൊതുമേഖല സ്ഥാപനമായ ബിഎസ്എന്‍എല്‍ എട്ട് രൂപയുടെയും 19 രൂപയുടേയും ഏറ്റവും പുതിയ താരിഫ് ഓഫറുകള്‍ പ്രഖ്യാപിച്ചു. രാജ്യത്തെവിടെയുമുള്ള ബിഎസ്എന്‍എല്‍ നമ്പറുകളിലേക്ക് മിനിറ്റിന് 15 പൈസ നിരക്കും മറ്റ് നമ്പറുകളിലേക്ക് മിനിറ്റിന് 30 പൈസ നിരക്കുമാണ് ഈ ഓഫറുകള്‍ വാഗ്ദാനം ചെയ്യുന്നത്.

പ്രീപെയ്ഡ് ഉപഭോക്താക്കള്‍ക്ക് മാത്രമാകും ഓഫര്‍ ലഭിക്കുക. എട്ട് രൂപയുടെ പ്ലാനിന് ഒരു മാസമാണ് വാലിഡിറ്റി. 19 രൂപയുടേതിന് 90 ദിവസവും. കഴിഞ്ഞ കുറച്ചു മാസങ്ങള്‍ക്കിടയില്‍ നിരവധി ഓഫറുകളാണ് ഉപഭോക്താക്കള്‍ക്കായി ബിഎസ്എന്‍എല്‍ അവതരിപ്പിച്ചിരിക്കുന്നത്.

429 രൂപക്ക് ഒരു ജിബി ഡാറ്റയും അണ്‍ലിമിറ്റഡ് കോളും നല്‍കുന്ന ഓഫര്‍ ബിഎസ്എന്‍ കഴിഞ്ഞ ദിവസം അവതരിപ്പിച്ചിരുന്നു. 80 ദിവസമാണ് ഈ ഓഫറിന്റെ കാലാവധി.

2018 മാർച്ചോടെ 5ജി സേവനം ആരംഭിക്കാനും കമ്പനിയ്ക്ക് പദ്ധതിയുണ്ട്. പരീക്ഷണാടിസ്ഥാനത്തിലായിരിക്കും സേവനം ആരംഭിക്കുക. നോക്കിയയുമായി ചേര്‍ന്ന് 5ജി സേവനം ആരംഭിക്കുന്നത് സംബന്ധിച്ച് കഴിഞ്ഞ ആഴ്ച ചര്‍ച്ചകള്‍ നടന്നിരുന്നു.

malayalam.goodreturns.in