കഴിഞ്ഞ മാസം അവസാനം മുതൽ കുതിച്ചുയർന്ന സ്വർണവില വീണ്ടും താഴേയ്ക്ക്. 160 രൂപ കുറഞ്ഞ് 22400 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഇന്നലെയും പവന് 160 രൂപ കുറഞ്ഞിരുന്നു. 22560 രൂപയായിരുന്നു ഇന്നലെ ഒരു പവന്റെ വില

ഓണമടുത്തതോടെയാണ് സ്വർണ വിപണി ഉണർന്നത്. പെട്ടെന്നാണ് വില ഉയർന്നത്. എന്നാൽ ഓണം കഴിഞ്ഞതോടെ വീണ്ടും വിലയിൽ കുറവ് കണ്ട് തുടങ്ങി.

ഈ വർഷത്തെ ഏറ്റവൂം കൂടിയ നിരക്ക് രേഖപ്പെടുത്തിയതും ഈ മാസമാണ്. 22,720 രൂപയാണ് ഈ വർഷത്തെ ഏറ്റവും കൂടിയ സ്വർണവില. ഇന്ത്യയിൽ സ്വർണത്തിന്റ ഇറക്കുമതി തീരുവ കുറയ്ക്കാൻ കേന്ദ്ര സർക്കാരിന്റെ നീക്കമുണ്ടെന്ന് അടുത്തിടെ വാ‍ർത്തകൾ വന്നിരുന്നു.

എന്നാൽ ഇതുവരെ അതു സംബന്ധിച്ച തീരുമാനമെടുത്തിട്ടില്ല. ഇറക്കുമതി തീരുവയിൽ കുറവ് വരുത്തിയാൽ പ്രാദേശിക വിപണയിൽ വരെ സ്വർണത്തിന്റ വില കുത്തനെ താഴും.

malayalam.goodreturns.in