സംസ്ഥാനത്ത് ഇന്ന് സ്വർണ വില നേരിയ തോതിൽ വർദ്ധിച്ചു. പവന് 80 രൂപയാണ് ഇന്ന് കൂടിയത്. കഴിഞ്ഞ രണ്ട് ദിവസങ്ങളിലായി വില 320 രൂപ കുറഞ്ഞിരുന്നു. പവന് 22,480 രൂപയും, ഗ്രാമിന് 2,810 രൂപയുമാണ് ഇന്നത്തെ വിപണി നിരക്ക്.

ഈ വർഷത്തെ ഏറ്റവൂം കൂടിയ നിരക്ക് രേഖപ്പെടുത്തിയതും ഈ മാസമാണ്. 22,720 രൂപയാണ് ഈ വർഷത്തെ ഏറ്റവും കൂടിയ സ്വർണവില. ഇതില്‍ നിന്നാണ് കഴിഞ്ഞ രണ്ട് ദിവസങ്ങളില്‍ വില കുറഞ്ഞത്.

31 ഗ്രാമിന്റെ ട്രോയ് ഔൺസിന് 1,330 ഡോളറാണ് ആഗോള വിപണിയിലെ വില. ഇന്ത്യയിൽ സ്വർണത്തിന്റ ഇറക്കുമതി തീരുവ കുറയ്ക്കാൻ കേന്ദ്ര സർക്കാരിന്റെ നീക്കമുണ്ടെന്ന് അടുത്തിടെ വാ‍ർത്തകൾ വന്നിരുന്നു. എന്നാൽ ഇതുവരെ അതു സംബന്ധിച്ച തീരുമാനമെടുത്തിട്ടില്ല.

ഇറക്കുമതി തീരുവയിൽ കുറവ് വരുത്തിയാൽ പ്രാദേശിക വിപണയിൽ വരെ സ്വർണത്തിന്റ വില കുത്തനെ താഴുമെന്നാണ് വിദഗ്ധരുടെ വിലയിരുത്തൽ.

malayalam.goodreturns.in