സ്വർണവില വീണ്ടും താഴേക്ക്; പവന് 120 രൂപ കുറഞ്ഞു

സ്വര്‍ണവില പവന് 120 രൂപ കുറഞ്ഞു. 22,360 രൂപയാണ് ഒരു പവന്റെ ഇന്നത്തെ വിപണി വില. 2795 രൂപയാണ് ഗ്രാമിന്. ഇന്നലെ പവന് 80 രൂപ കൂടിയിരുന്നു. എന്നാൽ ഇന്ന് വീണ്ടും വില താഴ്ന്നു.

ഈ വർഷത്തെ ഏറ്റവൂം കൂടിയ നിരക്ക് രേഖപ്പെടുത്തിയതും ഈ മാസമാണ്. 22,720 രൂപയാണ് ഈ വർഷത്തെ ഏറ്റവും കൂടിയ നിരക്ക്. ഇതില്‍ നിന്നാണ് കഴിഞ്ഞ രണ്ട് ദിവസങ്ങളില്‍ വില കുറഞ്ഞത്. 22,200 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്.

സ്വർണവില വീണ്ടും താഴേക്ക്; പവന് 120 രൂപ കുറഞ്ഞു

ആഗോള വിപണിയിലെ വിലക്കുറവാണ് ആഭ്യന്തര വിപണിയിലും പ്രതിഫലിക്കുന്നത്. 31 ഗ്രാമിന്റെ ട്രോയ് ഔൺസിന് 1,330 ഡോളറാണ് ആഗോള വിപണിയിലെ ഇന്നലത്തെ വില.

ഇന്ത്യയിൽ സ്വർണത്തിന്റ ഇറക്കുമതി തീരുവ കുറയ്ക്കാൻ കേന്ദ്ര സർക്കാരിന്റെ നീക്കമുണ്ടെന്ന് അടുത്തിടെ വാ‍ർത്തകൾ വന്നിരുന്നു. എന്നാൽ ഇതുവരെ അതു സംബന്ധിച്ച തീരുമാനമെടുത്തിട്ടില്ല.

malayalam.goodreturns.in