സംസ്ഥാനത്ത് സ്വര്‍ണ വില വര്‍ദ്ധിച്ചു. പവന് 120 രൂപ കൂടി 22,480 രൂപയായി ഇന്നത്തെ വിപണി വില. ഗ്രാമിന് 2810 രൂപയാണ്. കഴിഞ്ഞ ദിവസം പവന് 120 രൂപ കുറഞ്ഞ് 22,360 രൂപയായിരുന്നു. എന്നാൽ ഇന്ന് വീണ്ടും വില കൂടി.

ആഗോളവിപണിയിലെ വില വര്‍ദ്ധനയാണ് ആഭ്യന്തരവിപണിയിലും പ്രതിഫലിക്കുന്നത്. ഈ വർഷത്തെ ഏറ്റവൂം കൂടിയ നിരക്ക് രേഖപ്പെടുത്തിയതും ഈ മാസമാണ്. 22,720 രൂപയാണ് ഈ വർഷത്തെ ഏറ്റവും കൂടിയ നിരക്ക്. 22,200 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്.

കള്ളപ്പണം വെളുപ്പിക്കുന്നത് തടയാൻ അടുത്തിടെ കേന്ദ്ര സർക്കാ‍ർ സ്വർണം, വെള്ളി എന്നിവയുടെ വ്യാപാരത്തെ സംബന്ധിക്കുന്ന ചട്ടത്തിൽ മാറ്റം വരുത്തിയിരുന്നു. 50000 രൂപയ്ക്ക് മുകളിൽ സ്വ‍ർണം വാങ്ങിയാൽ നിങ്ങൾ തീ‍ർച്ചയായും തിരിച്ചറിയൽ രേഖയുടെ പകർപ്പ് നൽകണം.

കൂടാതെ പാൻ കാ‍ർഡും നി‍ർബന്ധമാണ്. സ്വ‍ർണം ഉൾപ്പെടെ വിലപിടിപ്പുള്ള ലോഹങ്ങളുടെ വ്യാപാരം സംബന്ധിച്ച രേഖകൾ പരിശോധിക്കാൻ ജിഎസ്ടി കൗൺസിൽ പ്രത്യേക പദവി നൽകി ചില ഉദ്യോ​ഗസ്ഥരെയും നിയമിച്ചിട്ടുണ്ട്.

malayalam.goodreturns.in