സ്വർണ വിലയിൽ ചാഞ്ചാട്ടം; പവന് 120 കുറഞ്ഞു

സംസ്ഥാനത്ത് സ്വര്‍ണ വില വീണ്ടും കുറഞ്ഞു. പവന് 120 രൂപ കുറഞ്ഞ് 22,360 രൂപയ്ക്കാണ് വ്യാപാരം പുരോഗമിക്കുന്നത്. കഴിഞ്ഞ മൂന്ന് ദിവസമായി വിപണിയിൽ 120 രൂപ കൂടുകയും കുറയുകയും ചെയ്തിരുന്നു. ഇന്നലെ 120 കൂടി 22480 രൂപയായിരുന്നു സ്വർണവില.

ആഗോളവിപണിയിലെ വില വ്യത്യാസമാണ് ആഭ്യന്തര വിപണിയിലും പ്രതിഫലിക്കുന്നത്. ഈ വർഷത്തെ ഏറ്റവൂം കൂടിയ നിരക്ക് രേഖപ്പെടുത്തിയതും ഈ മാസമാണ്. 22,720 രൂപയാണ് ഈ വർഷത്തെ ഏറ്റവും കൂടിയ നിരക്ക്. 22,200 രൂപയാണ് കുറഞ്ഞ നിരക്ക്.

സ്വർണ വിലയിൽ ചാഞ്ചാട്ടം; പവന് 120 കുറഞ്ഞു

കള്ളപ്പണം വെളുപ്പിക്കുന്നത് തടയാൻ അടുത്തിടെ കേന്ദ്ര സർക്കാ‍ർ സ്വർണം, വെള്ളി എന്നിവയുടെ വ്യാപാരത്തെ സംബന്ധിക്കുന്ന ചട്ടത്തിൽ മാറ്റം വരുത്തിയിരുന്നു. 50000 രൂപയ്ക്ക് മുകളിൽ സ്വ‍ർണം വാങ്ങിയാൽ നിങ്ങൾ തീ‍ർച്ചയായും തിരിച്ചറിയൽ രേഖയുടെ പകർപ്പ് നൽകണം. കൂടാതെ പാൻ കാ‍ർഡും നി‍ർബന്ധമാണ്.

സ്വ‍ർണം ഉൾപ്പെടെ വിലപിടിപ്പുള്ള ലോഹങ്ങളുടെ വ്യാപാരം സംബന്ധിച്ച രേഖകൾ പരിശോധിക്കാൻ ജിഎസ്ടി കൗൺസിൽ പ്രത്യേക പദവി നൽകി ചില ഉദ്യോഗസ്ഥരെയും നിയമിച്ചിട്ടുണ്ട്.

malayalam.goodreturns.in