വിമാന ടിക്കറ്റ് തുക തവണകളായി ഈടാക്കുന്ന പുതിയ പദ്ധതിയുമായി പ്രമുഖ വിമാന കമ്പനിയായ എത്തിഹാദ് എയര്‍വേയ്സ്. താഴ്ന്ന വരുമാനക്കാരായ പ്രവാസികളെ ലക്ഷ്യം വച്ചാണ് കമ്പനി പദ്ധതിയുമായി രംഗത്തെത്തിയിരിക്കുന്നത്.

സാമ്പത്തിക ബുദ്ധിമുട്ട് അനുഭവിക്കുന്നവര്‍ക്കും യാത്ര ചെയ്യാൻ സാധിക്കുന്ന വിധത്തിലാണ് പദ്ധതി രൂപകല്‍പ്പന ചെയ്തിരിക്കുന്നത്. ബിസിനസ് ക്ലാസിലേക്കും ഫസ്റ്റ് ക്ലാസിലേക്കും ടിക്കറ്റ് ബുക്ക് ചെയ്യാന്‍ ആഗ്രഹിക്കുന്നവര്‍ക്കും പദ്ധതി ഗുണം ചെയ്യും

യുഎഇ, സൗദി അറേബ്യ, ഈജിപ്റ്റ് എന്നീ രാജ്യങ്ങളില്‍ താമസിക്കുന്നവര്‍ക്ക് ഈ പദ്ധതി പ്രകാരം കമ്പനിയുടെ വെബ്‌സൈറ്റില്‍ നിന്നും നേരിട്ട് തന്നെ ടിക്കറ്റ് ബുക്ക് ചെയ്യാന്‍ സാധിക്കും. മൂന്ന് മാസം മുതല്‍ അഞ്ച് വര്‍ഷം വരെ വിവിധ ടിക്കറ്റുകളുടെ ഇന്‍സ്റ്റാള്‍മെന്റ് കാലാവധിയില്‍ വ്യത്യാസം വരും. മൊത്തം ചിലവ് വിഭജിക്കുന്നത് വഴി ഇടത്തരം, താഴ്ന്ന വരുമാനക്കാരെ എത്തിഹാദിലേക്ക് ആകര്‍ഷിക്കാന്‍ സാധിക്കും എന്നാണ് കമ്പനി പ്രതീക്ഷിക്കുന്നത്.

ഇന്‍സ്റ്റാള്‍മെന്റ് പദ്ധതിക്കുള്ള യോഗ്യത ഉപഭോക്താവിന്റെ ബാങ്കിനെ അനുസരിച്ചിരിക്കുമെന്ന് കമ്പനി അറിയിച്ചു. 17 ബാങ്കുകളാണ് നിലവില്‍ പദ്ധതിയുമായി സഹകരിക്കുന്നത്.

malayalam.goodreturns.in