സ്വര്‍ണവില പവന് 80 രൂപ കുറഞ്ഞ് 22,120 രൂപയായി. 2765 രൂപയാണ് ഒരു ഗ്രാമിന്റെ വില. 22,200 രൂപയായിരുന്നു പവന് കഴിഞ്ഞ ദിവസം. കഴിഞ്ഞ മൂന്ന് ദിവസമായി വിപണിയിൽ വില മാറ്റമില്ലാതെ തുടരുകയായിരുന്നു. ഒരു മാസത്തെ ഏറ്റവും കുറഞ്ഞ വിലനിലവാരത്തിലാണ് ഇപ്പോൾ വ്യാപാരം പുരോഗമിക്കുന്നത്.

ഈ വർഷത്തെ തന്നെ ഏറ്റവും കൂടിയ വിലയിലും ഈ മാസം കച്ചവടം നടന്നു. 22,720 രൂപയാണ് ഈ വർഷത്തെയും ഈ മാസത്തെയും ഏറ്റവും കൂടിയ വില. സെപ്റ്റംബര്‍ എട്ടിനാണ് പവന്‍ വില 22,720 രൂപ വരെ ഉയര്‍ന്നത്.

കള്ളപ്പണം വെളുപ്പിക്കുന്നത് തടയാൻ അടുത്തിടെ കേന്ദ്ര സർക്കാ‍ർ സ്വർണം, വെള്ളി എന്നിവയുടെ വ്യാപാരത്തെ സംബന്ധിക്കുന്ന ചട്ടത്തിൽ മാറ്റം വരുത്തിയിരുന്നു. സ്വ‍ർണം ഉൾപ്പെടെ വിലപിടിപ്പുള്ള ലോഹങ്ങളുടെ വ്യാപാരം സംബന്ധിച്ച രേഖകൾ പരിശോധിക്കാൻ ജിഎസ്ടി കൗൺസിൽ പ്രത്യേക പദവി നൽകി ചില ഉദ്യോ​ഗസ്ഥരെയും നിയമിച്ചിട്ടുണ്ടെന്ന് റിപ്പോർട്ടുകൾ പുറത്തു വന്നിരുന്നു.

യുഎസ് ഡോളര്‍ കരുത്താര്‍ജിച്ചതും ഈ വര്‍ഷം തന്നെ യുഎസ് ഫെഡ് റിസര്‍വ് പലിശ നിരക്ക് ഉയര്‍ത്തുമെന്ന സൂചനകളുമാണ് സ്വര്‍ണത്തെ ബാധിച്ചത്.

malayalam.goodreturns.in