സ്വർണവില പവന് 160 രൂപ കുറഞ്ഞു. 22,240 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഇന്നലെ പവന് 280 രൂപ കൂടിയിരുന്നു. 22400 രൂപയായിരുന്നു ഇന്നലെത്തെ സ്വർണവില. 

ഈ മാസത്തെ ഏറ്റവും കുറഞ്ഞ വിലയായ 22,120 രൂപയ്ക്കും ഈ ആഴ്ച്ച വ്യാപാരം നടത്തിരുന്നു. ഈ വർഷത്തെ തന്നെ ഏറ്റവും കൂടിയ വിലയിലും ഈ മാസം കച്ചവടം നടന്നു.

22,720 രൂപയാണ് ഈ വർഷത്തെയും ഈ മാസത്തെയും ഏറ്റവും കൂടിയ വില. സെപ്റ്റംബര്‍ എട്ടിനാണ് പവന്‍ വില 22,720 രൂപ വരെ ഉയര്‍ന്നത്.

ആ​ഗോളവിപണിയിലെ വില വ്യത്യാസമാണ് ഇന്ത്യയിലും സ്വർണവില കുറയാൻ കാരണമെന്ന് വ്യാപാരികൾ പറയുന്നു. യുഎസ് ഡോളര്‍ കരുത്താര്‍ജിച്ചതും ഈ വര്‍ഷം തന്നെ യുഎസ് ഫെഡ് റിസര്‍വ് പലിശ നിരക്ക് ഉയര്‍ത്തുമെന്ന സൂചനകളും സ്വര്‍ണ വിലയെ ബാധിച്ചിച്ചുണ്ട്.

malayalam.goodreturns.in