നാലു ദിവസം തുടർച്ചയായി ബാങ്ക് അവധി വരുന്നതിനാൽ എടിഎമ്മുകൾ നിറയ്ക്കാൻ ബാങ്കുകൾക്ക് പ്രത്യേക നിർദേശം. മഹാനവമി, വിജയദശമി, ഞായർ, ഗാന്ധി ജയന്തി എന്നിങ്ങനെ നാലു ദിവസമാണ് ബാങ്കുകൾക്ക് അവധി.

അവധികൾക്കു മുൻപേ നിറയ്ക്കുന്ന എടിഎമ്മുകളിൽ പണം തീർന്നാൽ അവധി ദിവസങ്ങളിലും നിറയ്ക്കും. എടിഎമ്മുകൾ നിറയ്ക്കാൻ ഉദ്യോഗസ്ഥരെ ചുമതലപ്പെടുത്തി കഴിഞ്ഞു.

ശാഖകൾക്കകത്തും അതിനോടു ചേർന്നുമുള്ള എടിഎമ്മുകളിൽ അവധിക്കിടെ ഒരു ദിവസം പണം നിറയ്ക്കും. ഒരു എടിഎമ്മിൽ 40 ലക്ഷം രൂപയാണു നിറയ്ക്കാനാവുക.

എന്നാൽ ആദ്യ രണ്ട് ദിവസങ്ങൾക്കുള്ളിൽ തന്നെ പണം കാലിയായേക്കുമെന്ന് ബാങ്ക് അധികൃതർ തന്നെ പറയുന്നു. ഇതിനെ മറികടക്കാനാണ് അവധി ദിനങ്ങൾക്ക് ഇടയ്ക്ക് ഒരു ദിവസം കൂടി എടിഎമ്മുകൾ നിറയ്ക്കാൻ നിർദ്ദേശിച്ചിരിക്കുന്നത്. നാളെ അടയ്ക്കുന്ന ബാങ്കുകള്‍ ഒക്ടോബര്‍ മൂന്നിനാണ് തുറക്കുക. മൂന്ന് ഞായറാഴ്ച്ചകൾ ഉൾപ്പെടാതെ തന്നെ ഈ മാസം ഒൻപത് ബാങ്ക് അവധികളാണ് ആകെയുള്ളത്.

malayalam.goodreturns.in