ചുവന്നുള്ളിക്ക് കേരളത്തിൽ പലയിടങ്ങളിലും പല വില. ചിലയിടങ്ങളിൽ 120 രൂപ വരെയാണ് ഉള്ളി വില. എന്നാൽ തമിഴ്‌നാട് അതിര്‍ത്തിയായ കുമളിയില്‍ ചെന്നാല്‍ വെറും 20 രൂപക്ക് വാങ്ങാം.

മലയോര മേഖലയില്‍ 70 രൂപ മുതല്‍ 90 രൂപ വരെയാണ് വില. ബ്രാന്‍ഡഡ് സൂപ്പര്‍മാര്‍ക്കറ്റുകളില്‍ 118 രൂപ വരെ ഈടാക്കും. കര്‍ണാടക, തമിഴ്‌നാട്, മഹാരാഷ്ട്ര, ആന്ധ്ര എന്നിവിടങ്ങളില്‍ നിന്നാണ് പ്രധാനമായും കേരളത്തിലെ മാര്‍ക്കറ്റുകളിലേക്ക് ഉള്ളി എത്തുന്നത്. പല സ്ഥലങ്ങളില്‍ നിന്നും എത്തുന്ന ഉള്ളിയുടെ ഗുണനിലവാരമനുസരിച്ച് വിലയിൽ വ്യത്യാസം വരുന്നെന്നാണ് വ്യാപാരികള്‍ പറയുന്നത്.

കഴിഞ്ഞ വര്‍ഷമുണ്ടായ കനത്ത വിലയിടിവിനെത്തുടര്‍ന്ന് ഉത്തരേന്ത്യയിലെ കര്‍ഷകര്‍ ഉള്ളിക്കൃഷിയില്‍ നിന്ന് പിന്മാറിയതിനെ തുടർന്നുണ്ടായ ക്ഷാമമാണ് വില വര്‍ദ്ധിപ്പിക്കുന്നതെന്ന് മൊത്തവ്യാപാരികള്‍ പറയുന്നു.

പൂര്‍ണ്ണ വിളവെത്താത്ത ഉള്ളി മഴക്കാലത്ത് ചീയാന്‍ സാധ്യതയുള്ളതിനാല്‍ കിട്ടുന്ന വിലക്ക് വില്‍ക്കുന്നതാണ് ചില സ്ഥലങ്ങളില്‍ ഉള്ളിയുടെ വില കുറയാന്‍ കാരണമെന്നും വ്യാപാരികള്‍ പറയുന്നു.

malayalam.goodreturns.in