149 രൂപയുടെ ജിയോ പ്രീപെയ്ഡ് പ്ലാൻ റീച്ചാര്ജ് ചെയ്യുന്നവർക്ക് ഇനി മുതൽ അണ്ലിമിറ്റഡ് ഡാറ്റ ലഭിക്കും. മുമ്പ് 2 ജിബി ഡാറ്റയും അണ്ലിമിറ്റഡ് വോയ്സ് കോളും 300 എസ്എംഎസും നല്കിയിരുന്ന പ്ലാനിനാണ് ഇപ്പോൾ മാറ്റങ്ങൾ വരുത്തിയിരിക്കുന്നത്. 28 ദിവസമാണ് കാലാവധി.
എന്നാൽ 2 ജിബി ഡാറ്റാ വരെ മാത്രമേ 4ജി വേഗതയില് ഉപയോഗിക്കാന് സാധിക്കൂ. 64 കെബിപിഎസ് എന്ന കുറഞ്ഞ വേഗതയിലാവും പിന്നീട് ഇന്റര്നെറ്റ് ലഭിക്കുക. സാധാരണ ജിയോയില് 128 കെബിപിഎസ് വരെ മാത്രമാണ് വേഗത കുറഞ്ഞിരുന്നത്.
ജിയോയുടെ 96 രൂപയുടെ ഓഫറില് അണ്ലിമിറ്റഡ് കോളും എസ്എംഎസും പ്രതിദിനം 1ജിബി ഇന്റര്നെറ്റും ലഭിക്കും. ഏഴ് ദിവസമാണ് ഈ ഓഫറിന്റെ കാലാവധി.
149 രൂപയ്ക്ക് എയര്ടെലും 2ജിബി 4ജി ഡാറ്റ ഓഫര് നല്കുന്നുണ്ട്. ഈ ഓഫറിനൊപ്പം അണ്ലിമിറ്റഡ് കോളുകള് നല്കുന്നുണ്ടെങ്കിലും എയര്ടെല് നമ്പറുകളിലേക്ക് മാത്രമേ സാധിക്കൂകയുള്ളൂ.
malayalam.goodreturns.in