ദീപാവലിയോടനുബന്ധിച്ച് ഇൻഡിഗോ വിമാനടിക്കറ്റുകൾക്ക് തകർപ്പൻ ഓഫർ. ഇൻഡിഗോ വെബ്സൈറ്റിൽ നൽകിയിരിക്കുന്ന വിവരത്തിന്റെ അടിസ്ഥാനത്തിൽ എല്ലാ ചാർജുകളും ഉൾപ്പെടെ വെറും 1099 രൂപയാണ് ടിക്കറ്റ് നിരക്ക്. എന്നാൽ തിരഞ്ഞെടുത്ത സ്ഥലങ്ങളിലേയ്ക്ക് മാത്രമേ ഈ ഓഫർ നിരക്കിൽ യാത്ര ചെയ്യാൻ സാധിക്കൂ.

മറ്റ് ചില ഡിസ്കൗണ്ടുകളും കമ്പനി നൽകുന്നുണ്ട്. ഡൽഹിയിൽ നിന്ന് ജയ്പൂരിലേക്ക് 1,099 രൂപയും. ചെന്നൈയിൽ നിന്ന് ബാംഗ്ലൂർ വരെ 1,120 രൂപയും ജമ്മു മുതൽ ശ്രീനഗർ വരെ 1,168 രൂപയും ഭുവനേശ്വറിൽ നിന്ന് കൊൽക്കത്തയിലേക്ക് 1,212 രൂപയും ചെന്നൈയിൽ നിന്ന് ബംഗളൂരുവിലേയ്ക്ക് 1,120 രൂപയുമാണ് ടിക്കറ്റ് നിരക്കുകൾ.

എല്ലാ ചൊവ്വാഴ്ചകളിലും ഇൻഡിഗോ പ്രത്യേക ഓഫറും നൽകുന്നുണ്ട്. ചൊവ്വാഴ്ച ഉച്ച മുതൽ വൈകുന്നേരം 6 മണി വരെ ടിക്കറ്റ് ബുക്ക് ചെയ്യുന്നവർക്ക് 300 രൂപ ക്യാഷ്ബാക്ക് ലഭിക്കും.

വിവിധ ആഭ്യന്തര സർവീസുകൾക്കായി അടുത്തിടെ ഇൻഡിഗോ ആറ് പുതിയ സർവീസുകൾ പ്രഖ്യാപിച്ചിരുന്നു. അവധിക്കാല വിമാന യാത്രക്കാരെ ലക്ഷ്യം വച്ച് എയർ ഏഷ്യയും ഓഫറുകളുമായി രംഗത്തെത്തിയിട്ടുണ്ട്.

malayalam.goodreturns.in