സംസ്ഥാനത്ത് ഒരാഴ്ച്ചയായി മാറ്റമില്ലാതെ തുടർന്ന സ്വ‍ർണ വിപണിയിൽ നേരിയ വ്യത്യാസം. പവന് 80 രൂപ കൂടി 22,080 രൂപയ്ക്കാണ് ഇന്ന് വ്യാപാരം പുരോ​ഗമിക്കുന്നത്.

സെപ്തംബര്‍ 30നാണ് അവസാനമായി സ്വ‍ർണവിലയിൽ മാറ്റം രേഖപ്പെടുത്തിയത്. അന്ന് മുതൽ 22,000 രൂപയാണ് സ്വ‍ർണത്തിന്റെ വില. ഏഴ് ദിവസത്തിന് ശേഷമാണ് ഇന്ന് വില 80 രൂപ കൂടിയത്.

കഴിഞ്ഞ മാസത്തെ അപേക്ഷിച്ച് പൊതുവെ കുറഞ്ഞവിലയാണ് ഇപ്പോഴുള്ളത്. കഴിഞ്ഞ മാസം എട്ടിന് ഗ്രാമിന് 2840 രൂപ വരെ സ്വര്‍ണ്ണവില ഉയര്‍ന്നിരുന്നു. പവന് 22720 രൂപ ആയിരുന്നു അന്നത്തെ വില. ഈ വർഷത്തെ തന്നെ ഏറ്റവും ഉയർന്ന വിലയായിരുന്നു ഇത്.

ആ​ഗോളവിപണിയിലെ വില മാറ്റമാണ് സ്വർണവിലയിൽ നേരിയ ഉയർച്ചയുണ്ടാകാൻ കാരണമെന്ന് വ്യാപാരികൾ പറയുന്നു. യുഎസ് ഡോളര്‍ കരുത്താര്‍ജിച്ചതും ഈ വര്‍ഷം തന്നെ യുഎസ് ഫെഡ് റിസര്‍വ് പലിശ നിരക്ക് ഉയര്‍ത്തുമെന്ന സൂചനകളും സ്വര്‍ണ വിലയെ ബാധിച്ചിരുന്നു.

malayalam.goodreturns.in