ടാറ്റ ടെലി സര്‍വീസസ് പ്രവര്‍ത്തനം നിര്‍ത്തുന്നു. കടബാധ്യതയിലായ കമ്പനി ഉടൻ തന്നെ പ്രവര്‍ത്തനം നിര്‍ത്തുമെന്നാണ് വിവരം. 2018 മാര്‍ച്ച്‌ 31ഓടെ കമ്പനി വിടണമെന്ന് സര്‍ക്കിള്‍ തലവൻമാര്‍ക്ക് കമ്പനി അറിയിപ്പ് നല്‍കി കഴിഞ്ഞു.

ഇതേ തുടര്‍ന്ന് അയ്യായിരത്തോളം പേര്‍ക്ക് തൊഴില്‍ നഷ്ടമാകും. മൂന്നു മുതല്‍ ആറു മാസം വരെയുള്ള മുന്‍കൂര്‍ നോട്ടീസ് നല്‍കിയാണ് പിരിച്ചു വിടുന്നത്. മുതിര്‍ന്ന തൊഴിലാളികള്‍ക്ക് വിആര്‍എസും നല്‍കും.

കുറച്ചുപേര്‍ക്ക് ടാറ്റ സണ്‍സിന്റെ തന്നെ മറ്റ് കമ്പനികളിൽ ജോലി നല്‍കാനാണ് പദ്ധതി. ഇപ്പോള്‍തന്നെ പിരിഞ്ഞു പോകുകയാണെങ്കില്‍ സാമ്പത്തിക വര്‍ഷത്തെ അവശേഷിക്കുന്ന മാസങ്ങളിലെ ശമ്പളം കൂടി നല്‍കുമെന്നും കമ്പനി വാഗ്ദാനം ചെയ്തിട്ടുണ്ട്.

ഒരു കോടി രൂപ വരെയാണ് സര്‍ക്കിള്‍ ഹെഡുകള്‍ക്ക് നല്‍കി വന്നിരുന്ന ശമ്പളം. 2017 മാര്‍ച്ച്‌ 31ലെ വാര്‍ഷിക റിപ്പോര്‍ട്ടു പ്രകാരം 5,101 ജീവക്കാരാണ് കമ്പനിയിലുള്ളത്. ടാറ്റ ഗ്രൂപ്പിന്റെ 149 വര്‍ഷത്തെ ചരിത്രത്തിലാദ്യമായാണ് ഒരു വലിയ കമ്പനി പൂട്ടുന്നത്.

malayalam.goodreturns.in