പുതിയ റീച്ചാര്ജ് ഓഫറുമായി എയര്ടെല് വീണ്ടും രംഗത്ത്. ഇത്തവണ 495 രൂപയുടെ റീച്ചാര്ജ് പായ്ക്കാണ് എയര്ടെല് അവതരിപ്പിച്ചിരിക്കുന്നത്. 84 ദിവസത്തേക്ക് പരിധിയില്ലാത്ത വിളിയും ദിവസേന 1 ജിബി ഡാറ്റയും നല്കുന്നതാണ് പുതിയ ഓഫര്.
റിലയന്സ് ജിയോയുടെ ഓഫറുകള്ക്ക് സമാനമാണ് എയര്ടെലിന്റെ 84 ദിവസം കാലപരിധിയുള്ള പുതിയ പ്ലാന്. എയര്ടെലിന്റെ പുതിയ പ്രീപെയ്ഡ് ഉപയോക്താക്കള്ക്കായുള്ള ഈ ഓഫര് ആദ്യ രണ്ട് റീച്ചാര്ജുകളില് മാത്രമാണ് ലഭ്യമാവുക.
കൂടാതെ മഹാരാഷ്ട്ര, ചെന്നൈ എന്നിവടങ്ങളില് മാത്രമേ ഈ ഓഫര് ലഭ്യമാകൂ. മുംബൈ സര്ക്കിളില് 495ന്റെ റീച്ചാര്ജിനൊപ്പം 99 എസ്എംഎസും ലഭിക്കും. ജിയോയുമായി മത്സരിക്കാന് 1ജിബി ദിവസേന ലഭിക്കുന്ന വേറെ റീച്ചാര്ജ് പ്ലാനുകളും എയര്ടെല് അവതരിപ്പിച്ചിട്ടുണ്ട്.
199 രൂപയുടെ പുതിയ പ്ലാനില് അണ്ലിമിറ്റഡ് വോയ്സ് കോളുകളും ഒരു ജിബി 4ജി ഡാറ്റയുമാണ് ലഭ്യമാകുക. 28 ദിവസമാണ് ഈ ഓഫറിന്റെ വാലിഡിറ്റി.
malayalam.goodreturns.in