കുടിയേറ്റ നയം

നിലവിലുള്ള കുടിയേറ്റ നയം കുടുംബ ചങ്ങലകളിലേയ്ക്ക് ഒതുങ്ങുകയാണെന്നും മെരിറ്റിന് പ്രാധാന്യമില്ലെന്നുമാണ് ട്രംപിന്റെ വിലയിരുത്തൽ. സ്ഥിരം പൗരത്വത്തിനുള്ള ​ഗ്രീൻ കാ‍ർഡിന് പോയിന്റ് അധിഷ്ഠിത സമ്പ്രദായം വേണമെന്നും അതിന് യോഗ്യതകൾ കണക്കിലെടുക്കണമെന്നും ട്രംപ് പറയുന്നു.

മെരിറ്റ് അടിസ്ഥാനം

മെരിറ്റ് അടിസ്ഥാനത്തിലായിരിക്കും ഇനി ഇതര രാജ്യങ്ങളിൽ നിന്ന് തൊഴിലാളികളെ തിരഞ്ഞെടുക്കുക. ഇംഗ്ലീഷ് ഭാഷയിലുള്ള വൈദഗ്ധ്യമായിരിക്കും പ്രധാനമായും പരിഗണിക്കുക. ഈ യോഗ്യതകളുള്ളവർക്ക് മാത്രമേ ഇനി അമേരിക്കയിൽ റെസിഡൻസി കാർഡ് ലഭിക്കൂ.

എന്താണ് എച്ച് വൺ ബി വിസ?

നിശ്ചിതകാലം ജോലി ചെയ്യുന്നതിന് അമേരിക്കയിൽ പ്രവേശിക്കുന്നതിനുള്ള വിസയാണ് എച്ച്.വൺ.ബി വിസ. ശാസ്ത്രസാങ്കേതിക വിദ്യയിൽ ഉന്നത പരിശീലനം നേടിയ വ്യക്തികൾക്ക് നൽകുന്ന പ്രത്യേക വിസയാണ് ഇത്. ഇന്ത്യയിലെ മിക്ക ഐ.ടി സ്ഥാപനങ്ങളും അമേരിക്കയിലേക്ക് തൊഴിലാളികളെ അയക്കാനായി പ്രധാനമായി ഈ വിസയെയാണ് ആശ്രയിക്കുന്നത്. അമേരിക്കയിൽ ബിരുദാനന്തര ബിരുദം പഠിക്കാനെത്തുന്നവർക്കും ഈ വിസ ലഭിക്കുന്നുണ്ട്.