ഗുജറാത്ത് സര്‍ക്കാര്‍ ഇന്ധനത്തിന്റെ മൂല്യവര്‍ദ്ധിത നികുതി നാല് ശതമാനം കുറച്ചു. ഇതോടെ പെട്രോള്‍ ലിറ്ററിന് രണ്ട് രൂപ 93 പൈസയും ഡീസലിന് രണ്ട് രൂപ 72 പൈസയും കുറഞ്ഞു. പെട്രോളിന് 67 രൂപ 53പൈസയും ഡീസലിന് 60 രൂപ 77സൈയുമായാണ് ഗുജറാത്തിലെ വില.

ഒരു വര്‍ഷം 2316 കോടി രൂപയുടെ വരുമാന നഷ്ടമാണ് ഇതുവഴി സംസ്ഥാന സര്‍ക്കാരിനുണ്ടാകുക. കേന്ദ്രസര്‍ക്കാരിന്റെ നിര്‍ദ്ദേശപ്രകാരം ഇന്ധനത്തിന്റെ വാറ്റ് കുറയ്ക്കുന്ന ആദ്യ സംസ്ഥാനമാണ് ഗുജറാത്ത്.

മഹാരാഷ്ട്രയിൽ ദേവേന്ദ്ര ഫഡ്നാവിസ് സർക്കാരും പെട്രോൾ, ഡീസൽ വില രണ്ട് രൂപ കുറച്ചിട്ടുണ്ട്. ഇതോടെ സംസ്ഥാന ഖജനാവിന് 2,600 കോടി രൂപ നഷ്ട്ടമാണുണ്ടാകുക. നിലവിൽ പെട്രോളിന് 26 ശതമാനവും ഡീസൽ 24 ശതമാനവും വാറ്റാണ് ഈടാക്കുന്നത്.

നികുതി കുറയ്ക്കില്ലെന്നാണ് കേരളത്തിന്റെ നിലപാട്. നേരത്തെ പെട്രോളിന്റേയും ഡീസലിന്റെയും എക്‌സൈസ് ഡ്യൂട്ടി കേന്ദ്രസര്‍ക്കാര്‍ ലിറ്ററിന് രണ്ട് രൂപ കുറച്ചിരുന്നു.

malayalam.goodreturns.in