ആധാര്‍ പദ്ധതി കേന്ദ്ര ഖജനാവിന് ഏറേ സഹായകരമായതായി ആധാര്‍ കാര്‍ഡിന്റെ ശില്പി നന്ദന്‍ നീലേക്കനി. 900 കോടി ഡോളറിന്റെ നേട്ടം ആധാര്‍ പദ്ധതി വഴി കേന്ദ്രസര്‍ക്കാരിന് ലഭിച്ചു.

തട്ടിപ്പ് തടയാന്‍ കഴിഞ്ഞതാണ് ആധാറിന്റെ മുഖ്യനേട്ടമെന്ന് നന്ദൻ നിലേക്കനി പറഞ്ഞു. 100 കോടി ജനങ്ങളാണ് ആധാര്‍ പദ്ധതിയില്‍ രജിസ്റ്റര്‍ ചെയ്തത്.

യുപിഎ സര്‍ക്കാര്‍ ആവിഷ്‌ക്കരിച്ച ആധാര്‍ കാര്‍ഡ് പദ്ധതിക്ക് നിലവിലെ സര്‍ക്കാര്‍ നല്ല പിന്തുണയാണ് നല്‍കുന്നതെന്നും രാജ്യാന്തര നാണ്യനിധിയുടെ വാര്‍ഷിക പൊതുയോഗത്തിന്റെ ഭാഗമായി സംഘടിപ്പിച്ച പരിപാടിയില്‍ പങ്കെടുത്ത നന്ദന്‍ നീലേക്കനി വ്യക്തമാക്കി.

135ഓളം സാമൂഹ്യ സുരക്ഷ പദ്ധതികൾക്ക് ഇപ്പോൾ ആധാർ നിർബന്ധമാണ്. പെന്‍ഷനുകള്‍, എല്‍പിജി സിലിണ്ടര്‍, സര്‍ക്കാര്‍ സ്‌കോളര്‍ഷിപ്പുകള്‍ തുടങ്ങിയ സാമൂഹ്യ സുരക്ഷ പദ്ധതികൾക്ക് ആധാർ ബന്ധിപ്പിക്കേണ്ട അവസാന തീയതി മൂന്ന് മാസത്തേയ്ക്ക് കൂടി നീട്ടിയിട്ടുണ്ട്. ഡിസംബർ 31 ആണ് ഇവ ബന്ധിപ്പിക്കുന്നതിനുള്ള അവസാന തീയതി.

malayalam.goodreturns.in