ദീപാവലിക്ക് വന്‍ വിലക്കിഴിവുമായി പ്രമുഖ ഓൺലൈൻ സൈറ്റുകൾ രം​ഗത്ത്. ഫ്ലിപ്കാര്‍ട്ടില്‍ ബിഗ് ദീവാലി സെയില്‍ എന്ന പേരിലും, ആമസോണില്‍ ഗ്രേറ്റ് ഇന്ത്യന്‍ ഫെസ്റ്റിവലെന്ന പേരിലുമാണ് ദീപാവലി ഓഫര്‍ എത്തിയിരിക്കുന്നത്.

ഒക്ടോബര്‍ 14 മുതല്‍ 17 വരെയാണ് ദീപാവലി സെയില്‍. 30,000 ഓളം ഉത്പന്നങ്ങള്‍ക്ക് നോ കോസ്റ്റ് ഇഎംഐ ഓഫറാണ് ആമസോണ്‍ നല്‍കുന്നത്. ഒപ്പം എക്സേഞ്ച് ഓഫറുകളും ലഭിക്കും. മൊബൈൽ ഫോണുകൾക്കാണ് മികച്ച ഓഫറുകൾ നൽകുന്നത്.

ആമസോണ്‍ പേ വഴി 500 രൂപ വരെ ഒരോ ഡീലിനും ക്യാഷ്ബാക്കും ലഭ്യമാണ്. എസ്ബിഐ ക്രഡിറ്റ് കാര്‍ഡ് ഉപയോഗിച്ച് സാധനങ്ങൾ വാങ്ങുന്നവര്‍ക്ക് 10 ശതമാനം ക്യാഷ്ബാക്ക് ആമസോണില്‍ ലഭിക്കും. ഫ്ളിപ്കാർട്ടും നിരവധി ബ്രാൻഡുകളുടെ മൊബൈൽ ഫോണുകളുടെ വിൽപ്പന വാഗ്ദാനം ചെയ്യുന്നുണ്ട്.

പ്രമുഖ വസ്ത്രവ്യാപാര സൈറ്റായ മിന്ത്രയും ഓഫറുമായി രം​ഗത്ത് എത്തിയിട്ടുണ്ട്. 40 മുതല്‍ 70 ശതമാനം വരെയാണ് മിന്ത്ര പ്രഖ്യാപിച്ചിരിക്കുന്ന ഓഫറുകൾ.

malayalam.goodreturns.in