സ്വർണവില പവന് 80 രൂപ കൂടി. 22,360 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. 10 രൂപ കൂടി 2795 ആണ് ഗ്രാമിന് വില.

ഈ മാസത്തെ ഏറ്റവും കൂടിയ നിരക്കാണ് ഇന്നത്തേത്. വ്യാഴാഴ്ച്ച പവന് 120 രൂപ വർദ്ധിച്ചതിന് പിന്നാലെയാണ് വില ഇന്നും കൂടിയത്.

കഴിഞ്ഞ മാസത്തെ അപേക്ഷിച്ച് പൊതുവെ കുറഞ്ഞ വിലയാണ് ഇപ്പോഴുള്ളത്. കഴിഞ്ഞ മാസം എട്ടിന് ഗ്രാമിന് 2840 രൂപ വരെ സ്വര്‍ണ്ണവില ഉയര്‍ന്നിരുന്നു. പവന് 22720 രൂപ ആയിരുന്നു അന്നത്തെ വില. ഈ വർഷത്തെ തന്നെ ഏറ്റവും ഉയർന്ന വിലയായിരുന്നു ഇത്.

രാജ്യത്ത് സ്വർണ ഇറക്കുമതിയിൽ ഈ മാസം വർദ്ധനവ് ഉണ്ടാകാൻ സാധ്യതയുണ്ടെന്നാണ് വിലയിരുത്തൽ. കഴിഞ്ഞ മാസം കുത്തനെ ഇടിഞ്ഞ സ്വർണത്തിന്റെ ഇറക്കുമതി ഈ മാസം തിരിച്ചുപിടിക്കുമെന്ന് വ്യാപാരികൾ പറയുന്നു. സ്വ‍ർണ വജ്രാഭരണ വ്യാപാരികളെ കള്ളപ്പണം വെളുപ്പിക്കൽ നിരോധന നിയമ (പിഎംഎൽഎ) പരിധിയിൽ നിന്ന് ഒഴിവാക്കിയതും സ്വർണ വിപണിയ്ക്ക് ഗുണകരമാകും.

malayalam.goodreturns.in