ഭാരതി എയർടെല്ലും ഓൺലൈൻ വ്യാപാര രംഗത്തേയ്ക്ക്. കൂടുതൽ ഉപഭോക്താക്കളെ ആകർഷിക്കുന്നതിന്റെ ഭാഗമായാണ് കമ്പനിയുടെ പുതിയ നീക്കം. ചില പ്രീമിയം സ്മാർട്ട്ഫോണുകൾക്ക് വമ്പിച്ച വിലക്കുറവാണ് കമ്പനി വാഗ്ദാനം ചെയ്യുന്നത്.

32 ജിബി ഐഫോൺ 7 വെറും 7,777 രൂപയാണ് എയർടെൽ വാഗ്ദാനം ചെയ്യുന്നത്. ഇൻസ്റ്റാൾമെന്റായും ഈ തുക അടച്ചു തീർക്കാം.

തവണകളായുള്ള തിരിച്ചടവിൽ എയർടെല്ലിന്റെ 30 ജിബി ഡാറ്റ, അൺലിമിറ്റഡ് കോളിംഗ് എന്നിവയും ഉൾപ്പെടും. എയർടെല്ലിന്റെ "പ്രോജക്ട് നെക്സ്റ്റ്" എന്ന പദ്ധതിയുടെ ഭാഗമായാണ് ഓൺലൈൻ സ്റ്റോർ ആരംഭിച്ചിരിക്കുന്നത്. അടുത്ത 3 വർഷത്തിനുള്ളിൽ 2000 കോടി രൂപയുടെ പദ്ധതികളാണ് കമ്പനി ആസൂത്രണം ചെയ്തിരിക്കുന്നത്.

എയർടെല്ലിന്റെ ഓൺലൈൻ സ്റ്റോർ സേവനം ഇന്ത്യയിലെ 21 നഗരങ്ങളിൽ ഇപ്പോൾ ലഭ്യമാണ്. ആപ്പിൾ, എച്ച്ഡിഎഫ്സി ബാങ്ക്, ക്ലിക്സ് ക്യാപിറ്റൽ, സെയ്ൻസ് ടെക്നോളജീസ്, ബ്രൈറ്റ്സ്റ്റാർ ടെലികമ്യൂണിക്കേഷൻസ്, വൽകാൻ എക്സ്പ്രസ് തുടങ്ങിയ കമ്പനികളുമായി സഹകരിച്ചാണ് പ്രവർത്തനം.

malayalam.goodreturns.in