ദീപാവലിയോടനുബന്ധിച്ച് കലക്കൻ ഓഫറുമായി ബിഎസ്എൻഎൽ രംഗത്ത്. പരിമിത കാലയളവിലെ റീചാർജുകളിൽ 50 ശതമാനം അധിക ടോക്ക് ടൈമാണ് കമ്പനി വാഗ്ദാനം ചെയ്യുന്നത്.

290 രൂപ, 390 രൂപ, 590 രൂപ എന്നിവയുടെ ഓഫറുകളിൽ 50 ശതമാനം അധിക ടോക്ക് ടൈമാണ് ബിഎസ്എൻഎൽ പ്രഖ്യാപിച്ചിരിക്കുന്നത്. ഒക്ടോബർ 16 മുതൽ 21 വരെ മാത്രമേ ഈ ഓഫർ ലഭിക്കൂ.

ദസറ വിജയ് ഓഫറിന് ശേഷം ബിഎസ്എൻഎൽ പുറത്തിറക്കുന്ന മറ്റൊരു ഓഫറാണ് ലക്ഷ്മി ഓഫർ. ദസറ വിജയ് ഓഫറിൽ 42 രൂപ, 44 രൂപ, 65 രൂപ, 69 രൂപ, 122 രൂപ എന്നിവയുടെ താരിഫ് വൗച്ചറുകൾ ചെയ്യുന്നവർക്ക് കോൾ ചാ‍ർജ് വളരെ കുറവാണ്. ഈ ഓ‌ഫ‍‍ർ ഒക്ടോബർ 25 വരെ ലഭ്യമാണ്.

സൗജന്യ അണ്‍ലിമിറ്റഡ് ലോക്കല്‍ എസ്റ്റിഡി കോളുകളും പ്രതിദിനം ഒരു ജിബി ഡാറ്റയും ലഭ്യമാകുന്ന മറ്റൊരു ഓഫറും കമ്പനി കഴിഞ്ഞ ദിവസം പ്രഖ്യാപിച്ചിരുന്നു. 429 രൂപയുടെ റീച്ചാര്‍ജില്‍ ലഭ്യമാകുന്ന ഈ ഓഫറിന് 90 ദിവസമാണ് വാലിഡിറ്റി.

malayalam.goodreturns.in