പുതിയ രണ്ടായിരത്തിന്റെയും അഞ്ഞൂറിന്റെയും നോട്ടുകളില് പ്രധാനമന്ത്രിയുടെ സ്വച്ഛ് ഭാരത് മിഷന്റെ ലോഗോ ഉള്പ്പെടുത്തിയതിനെ കുറിച്ച് വിശദീകരിക്കാതെ റിസര്വ് ബാങ്ക് ഓഫ് ഇന്ത്യ.
കേന്ദ്ര സര്ക്കാര് പദ്ധതിയുടെ വിവരങ്ങള് നോട്ടില് നല്കുന്നതിനെ പറ്റി ആരാഞ്ഞുള്ള വിവരാവകാശ അപേക്ഷയിലാണ് മറുപടി നല്കാതിരുന്നത്. അതേ സമയം സുരക്ഷ ഉള്പ്പെടയുള്ള ഘടകങ്ങള് കണക്കിലെടുത്താണ് വിവരങ്ങള് പുറത്തു വിടാതിരിക്കുന്നതെന്നാണ് ആര്ബിഐയുടെ പ്രതികരണം.
സ്വച്ഛ്ഭാരത് മിഷന് ലോഗോയും 'ഏക് കദം സ്വച്ഛ്താ കി ഓര്' എന്ന സന്ദേശവുമാണ് പുതുയതായി പുറത്തിറക്കിയ നോട്ടില് ഉള്പ്പെടുത്തിയിരിക്കുന്നത്. കേന്ദ്ര സര്ക്കാര് പദ്ധതിയുടെ പരസ്യം നോട്ടില് നല്കുന്നതുമായി ബന്ധപ്പെട്ട ഉത്തരവിന്റെ പകര്പ്പ് ആവശ്യപ്പെട്ട് ധനകാര്യ മന്ത്രാലയത്തിന് കീഴിലുള്ള ഡിപ്പാര്ട്ട്മെന്റ് ഓഫ് ഇക്കണോമിക് അഫയേഴ്സിലാണ് (ഡിഇഎ) വിവരാവകാശം സമര്പ്പിക്കപ്പെട്ടിരുന്നത്.
എന്നാൽ പിന്നീട് ഡിഇഎ അപേക്ഷ റിസര്വ് ബാങ്കിന് കൈമാറുകയായിരുന്നു. മറുപടി നൽകാൻ ആർബിഐ ഇതുവരെ തയ്യാറായിട്ടില്ല.
malayalam.goodreturns.in