ജിയോ ഫോൺ ബുക്ക് ചെയ്യാൻ ഇതാ വീണ്ടുമൊരു സുവർണാവസരം. ദീപാവലിക്ക് ശേഷം ജിയോ ഫോൺ പ്രീ ബുക്കിം​ഗ് വീണ്ടും ആരംഭിക്കും. നേരത്തേ ബുക്ക് ചെയ്ത പല ഉപഭോക്താക്കൾക്കും ഇപ്പോൾ ഫോൺ കിട്ടി തുടങ്ങിയിട്ടുണ്ട്.

ആഗസ്റ്റ് 24നാണ് ജിയോഫോണുകള്‍ക്കായുള്ള ആദ്യഘട്ട ബുക്കിം​ഗ് ആരംഭിച്ചത്. ഓണ്‍ലൈന്‍ വഴിയും, മൈ ജിയോ ആപ്പ് വഴിയും ജിയോയുടെ റീടെയില്‍ ഷോപ്പുകള്‍ വഴിയും ബുക്കിങ് സൗകര്യം ലഭ്യമാക്കിയിരുന്നു.

നിലവിൽ ആറ് മില്യൺ ജിയോ ഫോണുകൾക്കാണ് ബുക്കിം​ഗ് ആയിരിക്കുന്നത്. ജിയോ ഫീച്ചർ ഫോൺ ഉപയോക്താക്കൾക്ക് ജിയോ ധൻ ധനാ ധൻ ഓഫർ പ്രതിമാസം 153 രൂപയ്ക്ക് ലഭിക്കും. ഇതിനു കീഴിൽ ഉപഭോക്താക്കൾക്ക് സൗജന്യ വോയിസ്, എസ്എംഎസ്, പരിമിതിയില്ലാത്ത ഡാറ്റ എന്നിവയും ലഭിക്കും.

ഇതുവരെ ലഭിച്ചിരിക്കുന്ന ആറ് മില്യൺ ഓഡറുകൾ വിതരണം ചെയ്ത ശേഷമാകും പുതിയ ബുക്കിം​ഗ് ആരംഭിക്കുക. ഈ മാസം അവസാനത്തോട് കൂടി ആരംഭിക്കുന്ന പ്രീ ബുക്കിം​ഗ് നവംബർ ആദ്യ ആഴ്ച്ച വരെ നീണ്ടു നിന്നേക്കുമെന്നാണ് വിവരം.

malayalam.goodreturns.in