ടാറ്റാ ഗ്രൂപ്പിന്റെയും സിംഗപ്പൂർ എയർലൈൻസിന്റെയും സംയുക്ത സംരംഭമായ വിസ്താര എയർലൈൻസിന്റെ ചീഫ് എക്സിക്യൂട്ടീവ് ഓഫീസറായി ലെസ്ലി തിംഗിനെ നിയമിച്ചു. നിയമനം ഇന്നലെ മുതൽ പ്രാബല്യത്തിലായി.
നേരത്തെ വിസ്താരയുടെ ചീഫ് കൊമേഴ്സൽ ഓഫീസറായിരുന്നു ലെസ്ലി തിംഗ്. സിഇഒ ആയിരുന്ന ഫീ തെയ്ക് യോഹിനെ സിംഗപ്പൂർ എയർലൈൻസ് തിരിച്ചു വിളിച്ച സാഹചര്യത്തിലാണ് പുതിയ സിഇഒയെ നിയമിച്ചത്.
2015 ജനുവരിയിലാണ് ടാറ്റാ ഗ്രൂപ്പ്, സിംഗപ്പൂർ എയർലൈൻസ് എന്നീ കമ്പനികളുടെ സംയുക്ത സംരംഭമായ വിസ്താര പ്രവർത്തനം ആരംഭിച്ചത്. നിലവിൽ 16 വിമാനങ്ങളാണ് വിസ്താരയുടെ കീഴിലുള്ളത്.
വിസ്താര ഗള്ഫിലെ ഏറ്റവും വലിയ വിമാന കമ്പനികളില് ഒന്നായ ഖത്തര് എയര്വെയ്സുമായി ഒരു ധാരണയില് ഒപ്പിട്ടിട്ടുണ്ട്. പുതിയ കരാര് പ്രകാരം നിലവില് ഖത്തര് എയര്വെയ്സിനു സര്വ്വീസ് അനുമതിയില്ലാത്ത എന്നാല് വിസിതാരയ്ക്ക് അനുമതിയുള്ള ഇന്ത്യയിലെ വിമാനത്താവളങ്ങളിലേക്കുള്ള യാത്ര ഖത്തര് എയര്വൈസ് ഉപഭോക്താക്കള്ക്ക് എളുപ്പമാകും.
malayalam.goodreturns.in