ഒല, ഉബർ മാതൃകയിൽ കുറഞ്ഞ ചെലവിൽ വിമാന സർവീസുകൾ തുടങ്ങുന്നു. ചാർ​ട്ടേർഡ്​ വിമാന കമ്പനികളുടെ നേതൃത്വത്തിലാണ്​ 50 ശതമാനം ഡിസ്​കൗണ്ടിൽ ഇത്തരത്തിൽ അഭ്യന്തര വിമാന സർവീസുകൾ ആരംഭിക്കുക. നിലവില്‍ എയര്‍ക്രാഫ്റ്റ് സേവനം നല്‍കുന്നവരെ ഏകോപിപ്പിച്ചുകൊണ്ടായിരിക്കും ഇതു നടപ്പാക്കുക.

രാജ്യത്ത്​ 129 എവിയേഷൻ ഒാപ്പറേറ്റർമാരാണ്​ ഉള്ളത്​. ഇതിൽ 60 പേരാണ്​ എയർക്രാഫ്​റ്റ്​ ഉപയോഗിച്ച്​ സർവീസ്​ നടത്തുന്നത്​. മറ്റുള്ളവർ ഹെലികോപ്​റ്റർ സർവീസാണ്​ നടത്തുന്നത്​. നിലവിൽ എയർക്രാഫ്​റ്റ്​ വാടകക്കെടുക്കുന്നതിന്​ ഉയർന്ന നിരക്കാണ്​ ചുമത്തുന്നത്​.

ഇത്​ 50 ശതമാനം വരെ കുറച്ച്​ കൂടുതൽ പേരെ ആകർഷിക്കുന്നതിനാണ്​ വിമാന കമ്പനികളുടെ നീക്കം. ജെറ്റ്​ സെറ്റ്​ ഗോ, ഇഇസെഡ്​ ചാർട്ടേഴ്സ് തുടങ്ങിയ കമ്പനികൾ നിലവിൽ പ്രീമിയം നിരക്കിൽ വിമാന സർവീസുകൾ നടത്തുന്നുണ്ട്​.

നിലവിൽ 6 സീറ്റുള്ള ചെറിയ വിമാനം വാടകക്കെടുക്കണമെങ്കിൽ മണിക്കൂറിന്​ 150000 മുതൽ 200000 ലക്ഷം വരെ ചെലവാകും. ഇതിൽ കുറവ്​ വരുന്നതോടെ കൂടുതൽ പേർ വിമാനം വാടകക്കെടുക്കുമെന്നാണ്​ പ്രതീക്ഷ.

malayalam.goodreturns.in