സ്വകാര്യ കമ്പനികളെ പിന്തള്ളി മികച്ച വളര്ച്ചയുമായി ബിഎസ്എന്എല് കേരള സര്ക്കിള് വീണ്ടും ചരിത്രത്തിലേയ്ക്ക്. 18 മാസം കൊണ്ട് 25 ലക്ഷം കണക്ഷനുകള് നല്കി ഇന്ത്യയിലെ മറ്റ് നെറ്റ്വര്ക്കുകളെയെല്ലാം ഞെട്ടിച്ചിരിക്കുകയാണ് കേരള സര്ക്കിള്.
ഉപഭോക്താക്കളുടെ എണ്ണത്തിലും റെക്കോഡിട്ടിരിക്കുകയാണ് ബിഎസ്എന്എല് കേരളാ സര്ക്കിള്. ആകെ ഉപഭോക്താക്കളുടെ എണ്ണം കഴിഞ്ഞ ദിവസം ഒരു കോടിയിലെത്തിയെന്നും റിപ്പോർട്ടുകൾ പുറത്തു വന്നിരുന്നു. ഒരു കോടിയില് 97.6 ലക്ഷം കണക്ഷനുകളും പ്രീപെയ്ഡാണ്. 2.4 ലക്ഷം പോസ്റ്റ് പെയ്ഡ് കണക്ഷനുകളുമുണ്ട്.
നേട്ടങ്ങളിലേക്ക് കുതിക്കുന്ന ബിഎസ്എന്എല് ജനുവരിയോടെ സംസ്ഥാനത്ത് പൂര്ണമായും 4 ജി ശൃംഖലയിലേക്ക് മാറും. ഇതിനായുള്ള നടപടി ക്രമങ്ങള് ആരംഭിച്ചു കഴിഞ്ഞു.
ഡിസംബറില് പരീക്ഷണാടിസ്ഥാനത്തില് 4 ജി സേവനം ലഭ്യമായി തുടങ്ങും. പ്രാരംഭഘട്ടത്തില് തിരുവനന്തപുരം, എറണാകുളം, കോഴിക്കോട് നഗരങ്ങളിലാകും 4 ജി സേവനം ലഭിക്കുക. തുടര്ന്ന് ഘട്ടം ഘട്ടമായി എല്ലാ ജില്ലാകേന്ദ്രങ്ങളെയും പ്രധാന നഗരങ്ങളെയും 4 ജി ശൃംഖലയ്ക്കു കീഴില് കൊണ്ടുവരും.
malayalam.goodreturns.in