ആധാ‍ർ ബാങ്ക് അക്കൗണ്ട് ബന്ധിപ്പിക്കലിനെ സംബന്ധിച്ച് റിസർവ് ബാങ്കിന്റെ നി‌‍ർണായക വെളിപ്പെടുത്തൽ. ആധാറും ബാങ്ക് അക്കൗണ്ടും തമ്മിൽ ബന്ധിപ്പിക്കുന്നത് നി‍ർബന്ധമല്ലെന്നാണ് റിസ‍ർവ് ബാങ്ക് ഓഫ് ഇന്ത്യ വ്യക്തമാക്കിയിരിക്കുന്നത്.

ബാങ്ക് അക്കൗണ്ട്, മൊബൈൽ നമ്പ‍‍ർ എന്നിവയുമായി ആധാ‍ർ ബന്ധിപ്പിക്കുന്നതിനെതിരെ സുപ്രീം കോടതിയിൽ ഹ‍ർജി നൽകിയതിന് പിന്നാലെയാണ് റിസർവ് ബാങ്കിന്റെ നയം വ്യക്തമാക്കിയിരിക്കുന്നത്. മണി ലൈഫ് എന്ന വെബ്സൈറ്റിന് ലഭിച്ച വിവരാവകാശ രേഖയിലാണ് ഇക്കാര്യ വ്യക്തമാക്കിയിരിക്കുന്നത്.

ബാങ്കുകളുടെ കാര്യത്തിൽ അന്തിമ തീരുമാനം എടുക്കേണ്ടത് റിസർവ് ബാങ്ക് ആണെന്നിരിക്കെ ഇക്കാര്യത്തിൽ കേന്ദ്രസർക്കാ‍ർ ഏകപക്ഷീയമായ തീരുമാനമാണ് എടുത്തതെന്നും രേഖയിൽ പറയുന്നു.

സർക്കാരിന്റെ ആറ് ക്ഷേമപ്രവർത്തനങ്ങളിലും 50 കേന്ദ്രാവിഷ്കൃത പദ്ധതിയിലും ആധാ‍ർ നിർബന്ധമാക്കാൻ സുപ്രീം കോടതി നേരത്തേ അനുവാ​ദം നൽകിയിരുന്നു. കൂടാതെ കള്ളപ്പണം തടയുന്നതിന്റെ ഭാ​ഗമായി കൊണ്ടു വന്ന ഭേദ​ഗതി നിയമത്തിൽ ആധാറും പാനും തമ്മിൽ ബന്ധിപ്പിക്കുന്നതും വ്യവസ്ഥ ചെയ്തിരുന്നു.

malayalam.goodreturns.in