സംസ്ഥാനത്തെ ഉപഭോക്താക്കള്‍ക്കായി ഏറ്റവും പുതിയ പ്ലാനുമായി ബിഎസ്‌എന്‍എല്‍ രംഗത്ത്. പുതിയ പ്ലാന്‍ പ്രീപെയ്ഡ് മൊബൈല്‍ വരിക്കാരെ ലക്ഷ്യമിട്ടാണ് പുറത്തിറക്കിയിട്ടുള്ളത്. പ്രതിദിനം അൺലിമിറ്റഡ് കോളും ഒരു ജിബി ഡാറ്റയും വാഗ്ദാനം ചെയ്യുന്നതാണ് ഈ ഓഫർ.

446 രൂപയ്ക്ക് 84 ദിവസത്തേയ്ക്ക് ഇന്ത്യയിലെ ഏത് നെറ്റ്‍വർക്കിലേയ്ക്കും പരിധികളില്ലാതെ വിളിക്കാനാകും. നിലവിലെ പ്രീപെയ്ഡ് വരിക്കാ‍ർക്ക് കേരള എന്ന് ടൈപ്പ് ചെയ്ത് 123 എന്ന നമ്പറിലേയ്ക്ക് എസ്എംഎസ് അയച്ചാൽ പ്ലാൻ ആക്ടിവേറ്റ് ചെയ്യാൻ സാധിക്കും.

എസ്എംഎസ് വഴി പ്ലാനിലേയ്ക്ക് പ്രവേശിക്കുന്നവർക്ക് 446 രൂപയുടെ പ്ലാൻ 377.97 രൂപയ്ക്ക് ലഭിക്കും. മൈക്രോമാക്സുമായി സഹകരിച്ച് ബിഎസ്എൻഎൽ പുറത്തിറക്കിയ ഫോ‍ർ ജി ഫോൺ രണ്ട് ദിവസത്തിനുള്ളിൽ കേരള വിപണിയിലെത്തുമെന്നും ബിഎസ്എൻഎൽ അധികൃത‍ർ അറിയിച്ചു.

ഇതിനു പുറമെ യുഎഇയിലേക്ക് പ്രീപെയ്ഡ് അന്താരാഷ്ട്ര റോമിംഗ് സൗകര്യവും ബിഎസ്‌എന്‍എല്‍ അവതരിപ്പിച്ചു. സംസ്ഥാനത്ത് ബിഎസ്‌എന്‍എല്‍ ഉപഭോക്താക്കളുടെ എണ്ണം ഒരു കോടി കവിഞ്ഞതായി കേരള സര്‍ക്കിള്‍ ചീഫ് ജനറല്‍ മാനേജര്‍ പി.ടി. മാത്യു അറിയിച്ചു.

malayalam.goodreturns.in