ഇന്ത്യയിലെ ഏറ്റവും വലിയ ജനറൽ ഇൻഷുറൻസ് കമ്പനിയായ ന്യൂ ഇന്ത്യ അഷുറൻസിന്റെ പ്രാഥമിക ഓഹരി വിൽപ്പന (ഐപിഒ) നവംബർ ആദ്യ ആഴ്ച്ചയിൽ തുടങ്ങും. ഐപിഒയിലൂടെ 10,000 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്.

ഓഹരി വിലയും എത്ര ഓഹരികൾ ഇറക്കുമെന്നതും ഈയാഴ്ച്ച തന്നെ തീരുമാനിക്കും. ജനറല്‍ ഇന്‍ഷുറന്‍സ് കോര്‍പ്പറേഷന്‍ (ജി.ഐ.സി.-റീ) 11,370 കോടിയുടെ ഓഹരിയിറക്കിയതിനു പിന്നാലെയാണ് ന്യൂ ഇന്ത്യ അഷുറന്‍സിന്റെ ഓഹരിവിപണി പ്രവേശം. ഒക്ടോബര്‍ 25-ന് ലിസ്റ്റ് ചെയ്യാനൊരുങ്ങുന്ന ജി.ഐ.സി.-റീ യുടെ ഓഹരികള്‍ക്ക് നല്ല പ്രതികരണമാണ് ലഭിച്ചത്.

28 രാജ്യങ്ങളില്‍ സാന്നിധ്യമുള്ള ന്യൂ ഇന്ത്യ അഷുറന്‍സിന് 69,000 കോടിയുടെ ആസ്തിയാണുള്ളത്. കഴിഞ്ഞ അഞ്ചു വര്‍ഷമായി ശരാശരി 15 ശതമാനം വളര്‍ച്ചയുമുണ്ട്.

ഐ.പി.ഒ.യ്ക്കായി കൊട്ടക്, ആക്‌സിസ് ബാങ്ക്, നൊമുറ, ഐ.ഡി.എഫ്.സി, യെസ് ബാങ്ക് എന്നിവയെ മര്‍ച്ചന്റ് ബാങ്കര്‍മാരായി നിയമിച്ചിട്ടുണ്ട്.

malayalam.goodreturns.in